– ગાંધીનગર સાયબર ક્રાઈમમાં ફરિયાદ નોંધાવવા તજવીજ
– મોબાઈલ એપ્લીકેશન દ્વારા હેકરે ટ્રાન્સફર કરેલ રકમ સીઝ કરવા તમામ બેન્કોને મેલ દ્વારા જાણ કરાઈ
ભાવનગર : ભાવનગરની ડિસ્ટ્રીક્ટ કો-ઓપરેટીવ બેન્કની વિવિધ ત્રણેક શાખામાંહેકર દ્વારા રવિવારે હેકર દ્વારા ડેટા ડેટા સિક્યુરીટીને હેક કરી તબક્કાવાર સાત કરોડ જેવી માતબર રકમની ઉચાપત બહાર આવી છે અને આ ઘટનાની જાણ થતાં જ બેન્ક દ્વારા સંલગ્ન ૮૪ બ્રાંચનું કામકાજ આજે બીજા દિવસે પણ સ્થગિત કરવામાં આવેલ છે. તો બીજી તરફ સોફટવેર નિષ્ણાંતની ટીમ દ્વારા ૩૫૦થી વધુ જેટલા ટ્રાન્જેકશન મળી આવતા સંલગ્ન તમામ બેન્કોને મેલ દ્વારા પૈસા સીઝ કરવાની સુચના અપાઈ છે. જ્યારે આ સમગ્ર મામલે ગાંધીનગર સાયબર ક્રાઈમમાં ફરિયાદ નોંધાવવાની તજવીજ હાથ ધરી છે.
ભાવનગર ડિસ્ટ્રીક્ટ કો-ઓપરેટીવ બેન્કમાં રવિવારની રજાના દિવસે હેકર્સ દ્વારા બેન્કની ડેટા સિસ્ટમને હેક કરી સિક્યુરીટી સિસ્ટમ ક્રેક કરી હતી અને સિદસર, સુભાષનગર સહિતની ત્રણેક બ્રાંચમાંથી સાતેક કરોડની ઉચાપત કરાઈ હતી. જ્યારે સોમવારે બનાવની જાણ થતા બેન્કની તમામ ૮૮ બ્રાંચમાં કામકાજ સ્થગિત કરાવાયુ હતું અને સોફટવેરના જાણકાર એવા ૨૫ વ્યક્તિની ટીમ તપાસમાં લાગી જવા પામી હતી. જો કે તપાસ દરમ્યાન પ્રારંભીક તબક્કે આ સમગ્ર કૌભાંડ મોબાઈલ એપ્લીકેશન દ્વારા આચરાયુ છે. જેમાં અલગ અલગ ચાર મોબાઈલનો ઉપયોગ કર્યાનું પણ ખુલવા પામ્યું છે. જેમાં એક મોબાઈલનો નંબર ૬૦૦થી શરૂ થતો હોવાનું પણ જણાયું છે. જો કે હાલ આ ટીમની તપાસ શરૂ હોય આજે બીજા દિવસે પણ તમામ બ્રાંચનાં વ્યવહારો અને કામકાજ સ્થગિત રખાયા હતા. જ્યારે ગઈકાલે રાત્રી અને આજના દિવસ દરમ્યાન ચાલેલી તપાસમાં મોબાઈલ દ્વારા વધુમાં વધુ ૨ લાખ ટ્રાન્સફરની મર્યાદા હોય ૩૫૦થી વધુ ટ્રાન્જેકશન વિવિધ બેન્કોમાં થયા હોવાનું સામે આવ્યું છે અને જાણવા મળ્યા મુજબ આ તમામ બેન્કોને પણ ડિસ્ટ્રીક્ટ બેન્ક દ્વારા મેલ કરી આ પૈસા સીઝ કરવા જાણ કરી દેવાઈ હતી. આ સાથે વિમા પોલીસી હોય વીમાની પ્રોસેસ પણ કરાઈ હોવાનું જણાવ્યું છે અને સોફટવેરના મુળ સુધી તપાસ આરંભી છે. જ્યારે હજુ પણ ડિસ્ટ્રીક્ટ બેન્કની શાખાઓમાં કામકાજના વ્યવહારો તપાસ પૂર્ણ ન થાય ત્યાં સુધી સ્થગિત રાખવામાં આવશે. સઘળી હકીકતે રકમ સાત કરોડને આંબતી હોય બેન્ક ક્મચારી હોદ્દેદારો દ્વારા સ્થાનિક પોલીસને મળી આજે ગાંધીનગર સાયબ ક્રાીમમાં ફરિયાદ કરવા પહોંચ્યા હોવાનું જણાયું છે. જ્યારે જે ફ્રોડ થયું છે તે બેન્કનાં ભંડોળની ઉચાપત થઈ હોવાનું બેન્ક જનરલ મેનેજરે જણાવ્યું છે.
વ્યક્તિગત ખાતાના બદલે હવે બેન્કની સીસ્ટમ પર સાયબર એટેક
બેન્ક સાથે મોબાઈલ કનેક્ટ કરનારા ઘણા વ્યક્તિ સાથે સાયબર ફ્રોડના બનાવો સામે આવ્યા છે અને વ્યક્તિના ખાતામાંથી પૈસા ઉપડી ગયાના પણ દાખલા મૌજુદ છે ત્યારે ભાવનગરમાં બનેલ આ બનાવ વ્યક્તિગત નહીં પણ ડાયરેક્ટ બેન્કની સિક્યુરીટી સિસ્ટમને ક્રેક કરી ડેટા મેળવી સાત કરોડનું ફ્રોડનો ચકચારી બનાવ સામે આવતા બેન્ક ખાતેદારો અને અન્ય બેન્કોમાં પણ ફફડાટ ફેલાઈ જવા પામ્યો છે.
