Vadodara Crime : વડોદરા શહેરના તુલસીવાડી અંબેનગર 1 વિસ્તારમાં નજીવી બાબતે થયેલી તકરાર ગંભીર બનાવમાં પરિવર્તિત થઈ હતી. પ્રાપ્ત માહિતી મુજબ ચાર યુવાનોએ મળીને એક યુવક પર તિક્ષ્ણ હથિયાર વડે જીવલેણ હુમલો કર્યો હતો. હુમલામાં યુવક ગંભીર રીતે ઇજાગ્રસ્ત થતા તેને તાત્કાલિક સારવાર માટે એસએસજી હોસ્પિટલ ખાતે ખસેડવામાં આવ્યો હતો.
ઘટનાને વધુ નાટ્યાત્મક વળાંક ત્યારે મળ્યો હતો જ્યારે હુમલો કરનાર પૈકીનો એક યુવક પોતે પણ સારવાર લેવા બહાને એસએસજી હોસ્પિટલ પહોંચ્યો હતો. આ દરમિયાન ઘાયલ યુવકના પરિવારજનો દ્વારા આક્ષેપ કરવામાં આવ્યા છે કે હુમલાખોર હોસ્પિટલમાં આવી તેમને ધમકી આપી રહ્યો હતો.
સમગ્ર ઘટનાની જાણ થતાં કારેલીબાગ પોલીસ સ્ટેશનનો સ્ટાફ તાત્કાલિક એસએસજી હોસ્પિટલ દોડી આવ્યો હતો અને પરિસ્થિતિને કાબૂમાં લઈ આગળની તપાસ હાથ ધરી છે. પોલીસ દ્વારા આરોપીઓ સામે કાયદેસરની કાર્યવાહી કરવાની પ્રક્રિયા શરૂ કરવામાં આવી છે.
