LPG New Booking Rules Change : મિડલ ઈસ્ટમાં ચાલી રહેલા ઈરાન-અમેરિકા યુદ્ધની અસર હવે ભારતના રસોડા સુધી પહોંચી છે. ગેસ કંપનીઓએ LPG સિલિન્ડરના બુકિંગના નિયમોમાં મોટો ફેરફાર કર્યો છે. ઘરેલુ ગેસની અછતને પહોંચી વળવા અને કાળાબજાર રોકવા માટે હવે બે સિલિન્ડર વચ્ચેનો ‘બુકિંગ ગેપ’ વધારી દેવામાં આવ્યો છે. નવા નિયમો મુજબ, હવે ગ્રાહકોએ આગામી રિફિલ માટે વધુ રાહ જોવી પડશે.
કયા ગ્રાહકો માટે કેટલો ‘ગેપ’ રાખવો પડશે?
ગેસ કંપનીઓએ ગ્રાહકોની શ્રેણી મુજબ નવા રિફિલ બુકિંગનો સમય નક્કી કર્યો છે:
SBC – સિંગલ સિલિન્ડરવાળા ગ્રાહકો: જે ગ્રાહકો પાસે એક જ સિલિન્ડરનું કનેક્શન છે, તેઓ હવે છેલ્લી ડિલિવરીના 25 દિવસ પછી જ નવું બુકિંગ કરી શકશે.
DBC – ડબલ સિલિન્ડરવાળા ગ્રાહકો : જેમના ઘરે બે સિલિન્ડર છે, તેમને હવે નવો રિફિલ બુક કરાવવા માટે 35 દિવસની રાહ જોવી પડશે. અગાઉ આ મર્યાદા ઓછી હતી.
ઉજ્જવલા યોજના (PMUY): આ યોજનાના લાભાર્થીઓ માટે હવે આગામી બુકિંગ માટે 45 દિવસનો ફરજિયાત ગેપ રાખવામાં આવ્યો છે.
નાના સિલિન્ડરો માટે પણ નવા નિયમો
5 કિલોનું સિલિન્ડર: 9 થી 16 દિવસનો ગેપ.
10 કિલોનું સિલિન્ડર: 18 થી 32 દિવસનો ગેપ.
સૌથી મહત્વની શરત:
નવા નિયમ મુજબ, તમારા આગામી સિલિન્ડરના બુકિંગની ગણતરી ‘બુકિંગની તારીખ’ થી નહીં, પરંતુ ‘છેલ્લી ડિલિવરીની તારીખ’ થી કરવામાં આવશે. જો કોઈ ગ્રાહક નિર્ધારિત સમય પહેલા બુકિંગ કરવાનો પ્રયાસ કરશે, તો સિસ્ટમ દ્વારા તે ‘અર્લી બુકિંગ’ ને બ્લોક કરી દેવામાં આવશે.
યુદ્ધની અસર અને જમીની હકીકત
ઈરાન યુદ્ધ શરૂ થયા બાદ આ મહિને બીજી વખત નિયમોમાં ફેરફાર કરવામાં આવ્યો છે. અગાઉ આ ગેપ 21 થી વધારીને 25 દિવસ કરાયો હતો, જે હવે 35 દિવસ સુધી પહોંચી ગયો છે. બીજી તરફ, કોમર્શિયલ ગેસના ભાવ અને અછતને કારણે નાના હોટલ-ઢાબા માલિકો મુશ્કેલીમાં મુકાયા છે. કેટલાક ગ્રામીણ વિસ્તારોમાં લોકોએ ફરીથી લાકડાના ચૂલા પર રસોઈ બનાવવાની ફરજ પડી રહી છે.
વધારે જાણકારી માટે ગ્રાહકો સત્તાવાર હેલ્પલાઇન નંબર 1800-2333-555 પર સંપર્ક કરી શકે છે.
