– કઠલાલ પોલીસની કાર્યવાહી
– પોલીસે વિદેશી દારૂનો જથ્થો, પિકઅપ ડાલા સહિતનો મુદ્દામાલ જપ્ત કર્યો
કઠલાલ : ખેડા જિલ્લામાં દારૂબંધીના અમલ માટે કઠલાલ પોલીસ દ્વારા સતર્કતા દાખવવામાં આવી રહી છે. પોલીસ સ્ટાફ પેટ્રોલિંગમાં હતો, તે દરમિયાન પોલીસે રૂ. ૫૪ હજારના વિદેશી દારૂ સાથે એકને ઝડપી પાડયો હતો, જ્યારે બે શખ્સો ફરાર છે.
કઠલાલ પોલીસ પેટ્રોલિંગમાં હતી. તે દરમિયાન પોલીસને બાતમીના આધારે ફાગવેલના મહરાજના મુવાડા વિસ્તારમાં દરોડો પાડવામાં આવ્યો હતો. આ કાર્યવાહી દરમિયાન પોલીસે ભારતીય બનાવટના વિદેશી દારૂનો જથ્થો અને એક બોલેરો પીકઅપ ડાલું જપ્ત કર્યું છે. પોલીસે રૂપિયા ૫૪,૬૬૦નો વિદેશી દારૂ, કિંમત રૂપિયા ૨,૫૦,૦૦૦ લાખનું પિકઅપડાલું સહિત રૂપિયા ૩,૦૪,૬૬૦નો મુદ્દામાલ જપ્ત કર્યો હતો. આ દરોડા દરમિયાન પોલીસે એક આરોપીની ધરપકડ કરી છે, જ્યારે અન્ય બે આરોપીઓ નાસી છૂટવામાં સફળ રહ્યા હતા. પોલીસે ઝડપાયેલા આરોપી કાળીદાસ ઉર્ફે કાંતિભાઈ રાઠોડ (રહે. મહરાજના મુવાડા, ફાગવેલ) તેમજ ફરાર આરોપી ચિરાગકુમાર હિંમતસિંહ રાઠોડ (રહે. મહરાજના મુવાડા, ફાગવેલ) અને યુવરાજ ઉર્ફે શિવો દિનેશભાઈ સોલંકી (રહે. ધરખુણીયા, તા. ઠાસરા) સામે વધુ કાર્યવાહી હાથ ધરી છે.
