Image Source: X/ BJP4Gujarat
Raju Karapada BJP candidate: સુરેન્દ્રનગર જિલ્લાના રાજકારણમાં એક મોટો ગરમાવો જોવા મળ્યો છે. તાજેતરમાં જ આમ આદમી પાર્ટીનો છેડો ફાડીને ભારતીય જનતા પાર્ટી (BJP)માં જોડાયેલા યુવા ખેડૂત નેતા રાજુ કરપડાને પક્ષ દ્વારા મોટી જવાબદારી સોંપવામાં આવી છે. ભાજપે તેમને આગામી સ્થાનિક સ્વરાજની ચૂંટણી માટે સુરેન્દ્રનગર જિલ્લા પંચાયતની મૂળી-2 બેઠક પરથી પોતાના સત્તાવાર ઉમેદવાર તરીકે જાહેર કર્યા છે.
નોંધનીય છે કે રાજુ કરપડા ગઈકાલે જ વિધિવત રીતે ભાજપમાં જોડાયા હતા અને તેના 24 કલાકમાં જ પક્ષે તેમના પર ભરોસો મૂકીને ટિકિટ એનાયત કરી દીધી છે. મૂળી-2 બેઠક પરથી હવે તેઓ ભાજપના પ્રતિનિધિ તરીકે ચૂંટણી મેદાનમાં ઉતરશે. તેમના ભાજપમાં જોડાવાથી અને તુરંત ટિકિટ મળવાથી સ્થાનિક સ્તરે સમીકરણો બદલાય તેવી શક્યતા છે.
