Vadodara Crime : ક્રિકેટ રમતા નાના બાળકોના સ્ટમ્પ પડી જવા અંગે મહિલાએ ઠપકો આપતા ઉશ્કેરાયેલી એકટીવા ચાલક મહિલા સહિત તેના સસરા અને પતિએ ગાળાગાળી કરી હતી. ઝપાઝપી દરમિયાન ઠપકો આપનાર મહિલાના કપડા ફાટી ગયા હતા. ઉપરાણું લઈને ઇજાગ્રસ્ત મહિલાના સસરા અને પતિએ પણ ઝપાઝપી શરૂ કરતાં સ્થાનિક લોકોએ વચ્ચે પડીને તમામને છોડાવ્યા હતા. બનાવવા અંગે ઉપરાંત લેનાર મહિલાએ પોલીસ ફરિયાદ નોંધાવી હતી.
બનાવની વિગત એવી છે કે, જવાહર સોસાયટી, અભિલાષા ચાર રસ્તાની બાજુમાં, સમા ખાતે રહેતા એમ લતાબેન ભાવેશભાઈ પ્રજાપતિ (ઉં.43)એ નોંધાવેલી પોલીસ ફરિયાદમાં જણાવ્યું હતું કે સવારે પુત્ર હેત (ઉં.11) અન્ય બાળકો સાથે ઘર નજીક સોસાયટીની ગલીમાં ક્રિકેટ રમતા હતા. ક્યારે આ મહિલા ત્યાં ઉભી હતી. સોસાયટીમાં રહેતા દીપિકાબેન એકટીવા મોપેડ પર નીકળ્યા હતા. જેથી બાળકોના સ્ટેમ્પ પડી ગયા હતા. હેમલતાબેને એકટીવા ચાલક મહિલાએ જાણી જોઈને સ્ટમ્પ પાડ્યાનું જણાવતા બંને મહિલાઓ વચ્ચે બોલાચાલી તકરાર શરૂ થઈ હતી. ત્યારે તેના સસરા જયરામભાઈ અને તેનો પતિ દેવેન્દ્ર ઘરમાંથી દોડી આવ્યા હતા. ત્રણે જણાએ મળીને મને, મારા સસરા સાથે ઝપાઝપી કરતા મહિલાનો ડ્રેસ ફાટી ગયો હતો ત્યારે બાજુમાં ઉભેલા મારા પતિ ભાવેશ સાથે દેવેન્દ્ર મોજીદરા અને જયરામભાઈએ મારામારી શરૂ કરી હતી. દરમિયાન એકત્ર થયેલા સ્થાનિક રહીશોએ વચ્ચે પડીને તમામને છૂટા પાડ્યા હોવાનું ફરિયાદમાં હેમલતાબેને જણાવ્યું હતું. બનાવ અંગે પોલીસે તપાસ હાથ ધરી હતી.
