Gujarat MLA Benefits: ગુજરાતના જનપ્રતિનિધિઓ માટે સુવિધાઓમાં વધુ એક મોટો વધારો કરવામાં આવ્યો છે. અત્યાર સુધી ધારાસભ્યોને તમામ ટ્રેનોના ફર્સ્ટ અને સેકન્ડ એસી ક્લાસમાં મફત મુસાફરીની સુવિધા મળતી હતી, પરંતુ હવે તેમાં વંદે ભારત, દુરંતો અને તેજસ જેવી અત્યાધુનિક પ્રીમિયમ ટ્રેનોનો પણ સમાવેશ કરી દેવામાં આવ્યો છે.
પ્રીમિયમ ટ્રેનોમાં એક્ઝિક્યુટિવ ક્લાસની સુવિધા
નવા નિર્ણય મુજબ, હવે ધારાસભ્યો વંદે ભારત, દુરંતો અને તેજસ એક્સપ્રેસ જેવી પ્રીમિયમ ટ્રેનોના એક્ઝિક્યુટિવ ક્લાસમાં પણ મફત મુસાફરી કરી શકશે. આ સુવિધા હેઠળની મર્યાદા નક્કી કરવામાં આવી છે જેમ કે,
•રાજ્યમાં મુસાફરી: વાર્ષિક ધોરણે 10 હજાર કિલોમીટર સુધી મફત મુસાફરી કરી શકાશે.
•અન્ય રાજ્યોમાં મુસાફરી: વાર્ષિક ધોરણે 20 હજાર કિલોમીટર સુધી મફત મુસાફરી કરવાની છૂટ આપવામાં આવી છે.
આ પણ વાંચો: અમદાવાદમાં દૂધની ચોરી! બે દિવસમાં એક જ જગ્યાએથી દૂધના કેરેટ ચોરાતા FIR નોંધાઈ
અન્ય આલીશાન સવલતોનો લાભ
•ધારાસભ્યોને રેલવે મુસાફરી ઉપરાંત અન્ય ઘણી આર્થિક અને રહેણાંક સુવિધાઓ પણ ઉપલબ્ધ છે.
•સસ્તું રહેઠાણ: ગાંધીનગરમાં માત્ર 37.50 રૂપિયાના નજીવા ભાડે આલીશાન ફ્લેટની સુવિધા આપવામાં આવે છે.
•કન્સેશનલ ઈંધણ: ધારાસભ્યોને માત્ર 10થી 11 રૂપિયાના ભાવે પ્રતિ લિટર પેટ્રોલ અને ડીઝલ મળે છે.
•ભથ્થા: આ સુવિધાઓ સાથે વિવિધ પ્રકારના ભથ્થાઓનો લાભ પણ તેઓને મળવાપાત્ર છે.
સામાન્ય જનતા જ્યારે ટ્રેનના દરવાજે લટકીને મુસાફરી કરવા મજબૂર હોય છે, ત્યારે પ્રજાના પ્રતિનિધિઓ માટે આ પ્રકારની અદ્યતન સુવિધાઓમાં વધારો થતા મિશ્ર પ્રતિસાદ જોવા મળી રહ્યો છે.
