હાવર્ડનાં પ્રોફેસર ગીતા ગોપીનાથનનો આક્રોશ
બારાક ઓબામાના સમયમાં ચીનનાં નાયબ વડાપ્રધાન લી-યુ-અન હોંગ અને અમેરિકાનાં એનએસએ સુસાન રાઇર અને વિદેશમંત્રી હિલેરી ક્લિન્ટન હાજર હતા
નવી દિલ્હી: અમેરિકાના પ્રમુખ ડોનાલ્ડ ટ્રમ્પ અત્યારે ચીનની મુલાકાતે છે. ગુરૂવારે દુનિયાના સૌથી શક્તિશાળી અને સૌથી વિશાળ અર્થતંત્ર ધરાવતા દેશોના ટોચના નેતાઓની બેઠક યોજાઈ. તે પૂર્વે ત્યાં બધું ભવ્ય અને તાકતવર દેખાતું હતું. સૈનિકોની પેરેડ હતી, બંને દેશોનાં ધ્વજ લહેરાવતાં બાળકો મોટર માર્ગની બંને બાજુએ હતા. એકથી એક ચઢીયાતા વરિષ્ઠ અધિકારીઓ ચીનનાં ‘ગ્રેટ-હોલ-ઓફ-પીપલ’માં ઉપસ્થિત હતા પરંતુ એક વાત ખૂંચે તેવી તે હતી કે તે બેઠકમાં એક પણ મહિલા ઉપસ્થિત ન હતી. સોશ્યલ મીડીયા ઉપર તે ફોટો જોઈ ચર્ચા શરૂ થઈ ગઈ છે. લોકો પૂછી રહ્યાં છે કે, દુનિયાની સૌથી શક્તિશાળી રાજનીતિમાં મહિલાઓનો અવાજ પાછળ ધકેલાઈ રહ્યો છે ? આ પ્રશ્ન ઉઠાવનારાઓમાં આઈ.એમ.એફ.ના પૂર્વ ડેપ્યુટી મેનેજિંગ ડાયરેક્ટર અને હાવર્ડમાં ઈકોનોમિક્સનાં પ્રોફેસર ગીતા ગોપીનાથન પણ તેમાં સામેલ છે.
ગુરૂવારે જ્યારે ડોનાલ્ડ ટ્રમ્પ અને શી-જિનપિંગ વચ્ચે મંત્રણા યોજાઈ ત્યારે બંને દેશોનાં પ્રતિનિધિ મંડળો પૈકી એકેમાં એક પણ મહિલા સામેલ ન હતી.
‘ધી ગાર્ડીયન’ના રીપોર્ટ પ્રમાણે ગીતા ગોપીનાથને કહ્યું, અમે ફરી તે માન્યતા તરફ ખેંચાયા છીએ યોગ્યતા તે તમારી ક્ષમતા નથી, પરંતુ તમો કેટલા કનેકશન રાખી શકો છો તે તમારી ક્ષમતા બની રહે છે. દુનિયામાં આટલા બધાં પ્રતિભાશાળી મહિલાઓ હોવા છતાં મેજ ઉપર માત્ર એક જ જેન્ડરના લોકો જ શા માટે હોય છે ?
સ્ટેનફોર્ડ યુનિવર્સિટીનાં ‘ફેમીનિસ્ટ જેન્ડર અને સેકસ્યુઆલિટી’ વિભાગનાં એસોસિયેટ ડાયરેક્ટર હલીમા કાજેમે પણ આ જ વાત કરી સાથે તે બેઠકની તુલના ઓબામાના સમયમાં તેમની ચીન મંત્રણાનો ઉલ્લેખ કરતાં કહ્યું બરાક ઓબામાના સમયમાં ચીન સાથે મંત્રણા યોજાઈ ત્યારે ચીનનાં પ્રતિનિધિ મંડળમાં તેનો નાયબ વડાપ્રધાન લી-થુ-યાન દોંગ પણ હતાં, જ્યારે અમેરિકી પ્રતિનિધિ મંડળમાં અમેરિકાના નેશનલ સિક્યુરિટી એડવાઇઝર સુસાન રાઇસ તથા વિદેશમંત્રી હીલેરી કિલન્ટન પણ ઉપસ્થિત હતાં.
