વડોદરાઃ મુજમહુડા વિસ્તારમાં ગઇ સાંજે એક બાઇક ચાલકે કાર સાથે અકસ્માત થયા બાદ ભારે ધાંધલ મચાવતાં લોકો ભેગા થઇ ગયા હતા.
અકોટા થી અક્ષરચોક વચ્ચે ગઇસાંજે એક કાર અને બાઇક વચ્ચે અકસ્માત થતાં બાઇક ચાલકે બૂમબરાડા પાડીને તમાશો કર્યો હતો.તેણે કારની તોડફોડ કરતાં લોકોએ તેને અટકાવ્યો હતો,જેથી બાઇક ચાલકે તેમની સાથે પણ ઉધ્ધત વર્તન કર્યું હતું.
આ તબક્કે પોલીસ પણ આવી ગઇ હતી અને બાઇક ચાલકને અટકમાં લીધો હતો.પરંતુ કાર ચાલકે અકસ્માત કે નુકસાનની ફરિયાદ નહિ કરતાં આ મુદ્દે સમાધાન થયું હતું.
