વડોદરાઃ વડોદરાના જેતલપુર વિસ્તારમાં એક સ્કીમ મૂકનાર ધરતી એસોસિએટ્સના ભાગીદારો સાથે ફ્લેટ વેચી આપવાના થયેલા સમજૂતી કરારનો દુરુપયોગ કરી અસ્તિત્વમાં છે તેવા ચાર ફ્લેટ તેમજ જે ફ્લેટ છે જ નહિ તેવા સાત ફ્લેટના સોદા કરીને રૃ.પોણા પાંચ કરોડની ઠગાઇ કરવામાં આવી હોવાનો બનાવ બનતાં ક્રાઇમ બ્રાન્ચે ગુનો નોંધ્યો છે.
સુભાનપુરા-ગોત્રી રોડ પર સમૃધ્ધિ સોસાયટીમાં રહેતા ધરતી એસોસિએટ્સના ભાગીદાર વિજય ઠક્કરે પોલીસને કહ્યું છે કે,જેતલપુરની શ્રીનગર સોસાયટીમાં અમારી પેઢીએ રૃ.૩.૬૪ કરોડમાં ૬૨૭ ચોમીનો પ્લોટ ખરીદી ત્યાં ધરતી રીવેરા પ્રોજેક્ટ મૂકી દસ ફ્લેટ બનાવ્યા હતા.આ ફ્લેટમાંથી બે ફ્લેટ વેચ્યા હતા.જ્યારે,બાકીના આઠ ફ્લેટનું વેચાણ બાકી હતું.
આ તબક્કે નીશિત ઠક્કર નામની વ્યકિતએ પોતે બિલ્ડર અને પ્રોપર્ટીના સારા એવા સોદા કરી આપે છે તેમ કહી પરિચય કેળવ્યો હતો.જેથી તેની સાથે સમજૂતી કરાર કર્યો હતો.નીશિત મારફતે બીજા બે ફ્લેટ વેચાતા અમે તેને રૃ.૩૫ લાખનું કમિશન ચૂકવ્યું હતું.
મહેશ ઠક્કરે કહ્યું છે કે,ત્યારબાદ અમારા ખાતામાં બીજા રૃ.૨૫ લાખ જમા થતાં તપાસ કરાવી તો આ રકમ અમારી પેઢીના નામે બોગસ પાન કાર્ડ રજૂ કરી ખોલાવેલા બેન્ક ખાતામાંથી ટ્રાન્સફર થઇ હોવાનું જાણવા મળ્યું હતું.જેથી અમે સબ રજિસ્ટ્રાર કચેરીમાં તપાસ કરતાં અમે નિશીત પંચાલ,જીગર ઠક્કર,જીગ્નેશ રાણપુરા સહિતના લોકોએ અમારા નહિ વેચાયેલા ફ્લેટ્સ બોગસ દસ્તાવેજો અને સહીઓ કરી વેચી દીધા હોવાનું જાણવા મળ્યું હતું.
આવી જ રીતે સાત ફ્લેટ એવા વેચાયા છે કે જે ફ્લેટ અસ્તિત્વમાં જ નથી.જેની રકમ ક્યાં ગઇ તે પણ તપાસનો વિષય છે.જેથી ક્રાઇમ બ્રાન્ચે બોગસ દસ્તાવેજ કરનાર,ફ્લેટ ખરીદનાર તેમજ પેપર્સ બનાવી આપનાર સહિત કુલ ૧૧ જણા સામે ગુનો નોંધ્યો છે.
આરોપીના નામ અને ગુનામાં ભૂમિકા
આરોપી સરનામું ભૂમિકા
નિશીથ અશોક ચંદ્ર પંચાલ રાજસ્થાન સોસાયટી,બરોડા સ્કૂલ પાસે,બગીખાના સમજૂતી કરારનો દુરુપયોગ કરી ફ્લેટ વેચ્યા
જીગર ઇન્દ્રવદન ઠક્કર રાજસ્થંભ સોસાયટી,પોલો ગ્રાઉન્ડ બગીખાના અસ્તિત્વમાં નથી તે ફ્લેટ પણ વેચ્યા
જીગ્નેશ રમેશભાઈ રાણપુરા સર્વોદય સોસાયટી,છાણી રોડ,નિઝામપુરા એકના એક ફ્લેટ ફરી ખરીદનાર
પ્રકાશ બાલ ચંદ્ર શુક્લ અંબિકા ટેનામેન્ટ વ્રજ ધામ મંદિર પાસે માંજલપુર બોગસ દસ્તાવેજમાં સાક્ષી
વર્ષાબેન શેલકે પીરામીતા રોડ દાંડિયા બજાર ઉપર મુજબ
વિજયકુમાર શેલકે દાંડિયાબજાર,વડોદરા લખાણ કરનાર
પૂર્વી અનિલ કુમાર પટેલ ફોર્ચ્યુન પ્લેટિનમ હોટલ સામે,તુલસીધામ,માંજલપુર અસલી અને બોગસ ફ્લેટ ખરીદનાર
યશવી મહેશભાઈ પંચાલ ઇસ્કોન એ વન,મોટા બજાર,વલ્લભ વિદ્યાનગર ફ્લેટ ખરીદનાર
મેઘલ નરેન્દ્રકુમાર ગાંધી કોઠી ફળિયા,રાજ મહેલ રોડ ઉપર મુજબ
વૈભવી ખારવા સરનામું નથી – લખાણ કરનાર
સચિન મનોહર કોઠી હોલીવુડ ટાવર,સ્પ્રિંગ ગ્લોસમ,વાસણા રોડ,વડોદરા જીગર ઠક્કર સાથે મદદગારી
