વડોદરાઃ રાઈટ ટૂ ઈન્ફર્મેશન એકટ હેઠળ ધો.૧માં હાથ ધરાયેલી પ્રવેશ કાર્યવાહીમાં પ્રવેશ મેળવવા માટે થયેલા ભારે ધસારાના કારણે આ વર્ષે પણ સેંકડો બાળકો પ્રવેશથી વંચિત રહી ગયા છે.
આવા બાળકોના વાલીઓએ આજે ફરી એક વખત ડીઈઓ કચેરી પર મોરચો લઈ જઈને વિરોધ નોંધાવ્યો હતો.મોટી સંખ્યામાં વાલીઓને જોઈને ડીઈઓ કચેરી દ્વારા પોલીસ બોલાવવામાં આવી હતી.
વાલીઓનું કહેવું હતું કે, આંગણવાડીમાં ભણેલા બાળકોને પણ પ્રવેશથી વંચિત રાખવામાં આવ્યા છે.વાલીઓ ઈન્ચાર્જ ડીઈઓ સમક્ષ રજૂઆત કરવા માટે પહોંચ્યા ત્યારે ડીઈઓએ કહ્યું હતું કે, ૪૩૦૦ જેટલી બેઠકો માટે ૧૦૦૦૦ કરતા વધારે ફોર્મ ભરાયા હતા એટલે બધાને પ્રવેશ ના મળે તે સ્વાભાવિક.જોકે જેમને પ્રવેશ નથી મળ્યો તેવા બાળકોના વાલીઓ નગર પ્રાથમિક શિક્ષણ સમિતિની સ્કૂલોમાં પ્રવેશ મેળવી શકે છે.ઉપરાંત પ્રવેશના નામે પૈસા ખંખેરતા લેભાગુઓ આરટીઈ હેઠળ પ્રવેશની લાલચ આપતા હોય છે પણ તેમનાથી સાવધ રહેવું જરુરી છે.દરમિયાન વાલીઓએ હંગામો ચાલુ રાખતા આખરે પોલીસને દરમિયાનગીરી કરવી પડી હતી અને તે પછી મામલો થાળે પડયો હતો.
