પશ્ચિમ રેલવેના ભાવનગર મંડળમાં માલ પરિવહનને પ્રોત્સાહન આપવા તથા નવા માલ લોડિંગની સંભાવનાઓ વિકસાવવાના હેતુથી મંડળ રેલ પ્રબંધક, ભાવનગર શ્રી દિનેશ વર્માએ 06 ઑક્ટોબર, 2026ના રોજ Nirma Limitedના પ્રતિનિધિઓ સાથે એક મહત્વપૂર્ણ બેઠક યોજી હતી. આ બેઠકમાં ગુડ્સ કાર્ગો ટર્મિનલ (GCT) સંબંધિત કામગીરીની પ્રગતિ, વર્તમાન તથા પ્રસ્તાવિત માલ પરિવહન અને ભવિષ્યમાં માલ લોડિંગ વધારવાની સંભાવનાઓ અંગે વિસ્તૃત ચર્ચા કરવામાં આવી હતી.
બેઠક દરમિયાન ભાવનગર મંડળમાં Nirma Limited સાથે સંબંધિત વર્તમાન માલ પરિવહનની સમીક્ષા કરવામાં આવી હતી. આ ઉપરાંત, પ્રસ્તાવિત પ્રવૃત્તિઓ તથા નવા માલ પરિવહનને રેલવે સાથે જોડવાની વિવિધ તકો અંગે વિચારવિમર્શ કરવામાં આવ્યો હતો. મંડળ રેલ પ્રબંધક શ્રી દિનેશ વર્માએ કંપનીના પ્રતિનિધિઓ પાસેથી ભાવનગર મંડળના અન્ય સ્થળોએ નવા કાર્ય તથા માલ પરિવહનની સંભાવનાઓ અંગે માહિતી મેળવી હતી.
આ પ્રસંગે Nirma Limitedના પ્રતિનિધિઓએ મહુવામાં સિમેન્ટનું લોડિંગ શરૂ કરવાની યોજના અંગે માહિતી આપી હતી. આ પ્રસ્તાવથી ભાવનગર મંડળમાં માલ પરિવહનની નવી તકો વિકસિત થવાની સંભાવના છે. બેઠકમાં આ દિશામાં જરૂરી રેલવે સહયોગ, પરસ્પર સંકલન તથા સંબંધિત કામગીરીને આગળ વધારવાના વિવિધ પાસાઓ અંગે પણ ચર્ચા કરવામાં આવી હતી.
મંડળ રેલ પ્રબંધક શ્રી દિનેશ વર્માએ ઉદ્યોગ જગત સાથે વધુ સારો સમન્વય સ્થાપિત કરવા તથા માલ પરિવહન માટે રેલવેની સુવિધાઓનો મહત્તમ ઉપયોગ સુનિશ્ચિત કરવાના મહત્વ પર ભાર મૂક્યો હતો. રેલવે અને ઉદ્યોગો વચ્ચે અસરકારક સહયોગથી નવા માલ પરિવહનને આકર્ષિત કરવા, માલ લોડિંગની સંભાવનાઓનો વિસ્તાર કરવા તથા રેલવેની આવકમાં વધારો કરવાના પ્રયાસોને વેગ મળવાની અપેક્ષા છે.
આ બેઠકમાં ભાવનગર મંડળ તરફથી મંડળ રેલ પ્રબંધક શ્રી દિનેશ વર્મા સાથે વરિષ્ઠ મંડળ વાણિજ્ય પ્રબંધક શ્રી અતુલ કુમાર ત્રિપાઠી તથા વરિષ્ઠ મંડળ પરિચાલન પ્રબંધક શ્રી સુનીલ કુમાર ગુપ્તા ઉપસ્થિત રહ્યા હતા.
ભાવનગર મંડળ દ્વારા ઔદ્યોગિક એકમો સાથે સતત સંવાદ અને સંકલનના માધ્યમથી માલ પરિવહનને પ્રોત્સાહન આપવા, પરિવહનની નવી તકો વિકસાવવા તથા રેલવેની માલ પરિવહન સેવાઓને વધુ અસરકારક બનાવવાની દિશામાં સતત પ્રયાસો કરવામાં આવી રહ્યા છે.
