ઉત્તર ગુજરાત વિજ કંપની લિમિટેડ (UGVCL) દ્વારા અંબાજીની આદ્યશક્તિ જનરલ હોસ્પિટલને કોર્પોરેટ સામાજિક જવાબદારી (CSR) કાર્યક્રમ અંતર્ગત આધુનિક મેડિકલ સાધનો ફાળવવામાં આવ્યા છે. આ સાધનોનો કુલ ખર્ચ આશરે 48.50 લાખ રૂપિયા થયો છે.
ફાળવવામાં આવેલા સાધનોમાં આધુનિક ડિજિટલ એક્સ-રે મશીન (DR સિસ્ટમ) અને હાડકાના ઓપરેશન માટે C-ARM મશીનનો સમાવેશ થાય છે. આ ઉપકરણોથી હોસ્પિટલમાં આવતા દર્દીઓને એક્સ-રે સુવિધા અને હાડકાના ઓપરેશન માટે અંબાજી ખાતે જ સારવાર મળી રહેશે.
આદ્યશક્તિ જનરલ હોસ્પિટલ અંબાજી આસપાસના જરૂરિયાતમંદ અને આદિવાસી દર્દીઓ માટે આશીર્વાદરૂપ છે. ગુજરાત સરકાર દ્વારા પણ દર્દીઓને ગુણવત્તાસભર સારવાર મળી રહે તે માટે વિવિધ સાધનો અને સ્ટાફની ભરતી કરવામાં આવે છે. ઉર્જા મંત્રી ઋષિકેશભાઈ પટેલ અને રાજ્યસભા સાંસદ મયંકભાઈ નાયકની ભલામણના આધારે UGVCL દ્વારા આ સાધનો પૂરા પાડવામાં આવ્યા છે.
રિપોર્ટર પ્રહલાદ પૂજારી અંબાજી
