Sharmishta Panoli News : સોશિયલ મીડિયા ઈન્ફ્લુએન્સર શર્મિષ્ઠા પનોલીની ધરપકડ કરાતા ભાજપે પશ્ચિમ બંગાળ સરકારે પર પ્રહારો કર્યા છે. ભાજપે આજે (1 જૂન) આક્ષેપ કર્યો છે કે, તૃણમુલ કોંગ્રેસ સરકારે પોતાની વોટ બેંકને ખુશ કરવા માટે 22 વર્ષીય હિન્દુ મહિલાને ટાર્ગેટ કરી છે.
કથિત સાંપ્રદાયિક ટિપ્પણી મામલે શર્મિષ્ઠાની ધરપકડ
સૂત્રોના જણાવ્યા મુજબ, પશ્ચિમ બંગાળ પોલીસે શુક્રવારે રાત્રે હરિયાણાના ગુરુગ્રામમાંથી શર્મિષ્ઠાની ધરકડ કરી છે. તેણી પર આરોપ છે કે, તેણે ઈન્સ્ટાગ્રામ પર એક એવો વીડિયો એપલોડ કર્યો હતો, જેમાં કથિત રીતે ‘ઓપરેશન સિંદૂર’ (Operation Sindoor) પર બોલિવૂડ સ્ટાર્સના મૌન અંગે સાંપ્રદાયિક ટિપ્પણીઓ કરવામાં આવી હતી.
શર્મિષ્ઠા 13 જૂન સુધી જ્યુડિશિયલ કસ્ટડીમાં
કોલકાતાની એક કોર્ટે શર્મિષ્ઠા મામલે શનિવારે સુનાવણી હાથ ધરી તેણીને 13 જૂન સુધી જ્યુડિશિયલ કસ્ટડી મોકલી દીધી છે. શર્મિષ્ઠા પર ધાર્મિક સમુદાય વચ્ચે દુશ્મનાવટ ફેલાવવા, ધાર્મિક લાગણીઓને ઠેસ પહોંચાડવાના ઈરાદાથી હરકત કરવા અને શાંતિ ભંગ કરવાના ઈરાદાથી અપમાનજનક ટિપ્પણી કરવા જેવી કલમો લગાવવામાં આવી છે.
વીડિયો ડિલિટ કર્યો, માફી માગી છતાં ધરપકડ કરાઈ : ભાજપ
શર્મિષ્ઠાની ધરપકડ કરાતા ભાજપે મમતા સરકાર પર આકરા પ્રહારો કર્યા છે. તેમણે કહ્યું કે, ‘22 વર્ષિય શર્મિષ્ઠા પનોલીની તે વીડિયો મામલો ધરપકડ કરવામાં આવી છે, જેને તે પહેલા જ ડિલિટ કરી ચુકી હતી. એટલું જ નહીં તેણે 15 મેએ જાહેરમાં માફી પણ માંગી હતી. તેમ છતાં તેણીને 14 દિવસની જ્યુડિશિયલ કસ્ટડીમાં મોકલી દેવાઈ.’
આ પણ વાંચો : રશિયાએ ભારતને અત્યાધુનિક ફાઇટર જેટ Su-57Eની ઓફર આપી, જો ડીલ થઈ તો પાકિસ્તાન જ નહીં ચીનના પણ હાંજા ગગડી જશે
ધરપકડ મામલે ભાજપે મમતા સરકાર પર કર્યા પ્રહાર
માલવીયાએ કહ્યું કે, ‘વીડિયો સંબંધીત કોઈપણ સાંપ્રદાયિક તણાવ અથવા હિંસાની અહેવાલ નથી, તેમ છતાં કોલકાતા પોલીસે આ મામલે ઝડપી કાર્યવાહી દેખાડી છે. મુખ્યમંત્રી મમતા બેનરજી તેનાથી જ વધુ વિભાજદારી નિવેદનો આપી ચુક્યા છે, ત્યારબાદ અનેક વખત જાનમાલને નુકસાન અને સંપત્તિને નુકસાન થયું છે. શું તેમની સામે પણ આવી ઝડપી કાયદો લાગુ થશે? ન્યાય રાજકીય સુવિધા પર આધારિત ન હોવો જોઈએ, આખો દેશ જોઈ રહ્યો છે.’
આ પણ વાંચો : શું બાંગ્લાદેશમાં શેખ હસીનાને અપાશે ફાંસીની સજા? ‘માનવતા વિરુદ્ધ ગુનો’ કરવાનો આરોપ લગાવાયો
