તાજીયા શહેરના મુખ્ય માર્ગો પરથી પસાર થઈ શાંતિપૂર્ણ રીતે ઠંડા કરાય
પાલીતાણામાં મોહરમના તહેવારને લઈને વર્ષોથી એક આગવી પરંપરા ચાલી આવી છે, જે સમગ્ર ગુજરાતમાં જાણીતી છે. ગત તારીખ 26 જૂન 2026 ના રોજ પાલીતાણાના મુખ્ય માર્ગો પર આકર્ષક અને કલાત્મક તાજીયાના જુલુસ નીકળ્યા હતા, જેને નિહાળવા માટે સમગ્ર ભાવનગર જિલ્લામાંથી મોટી સંખ્યામાં લોકો ઉમટી પડ્યા હતા
શહેરના સિપાહી સમાજ, ઘાંચી સમાજ અને વોરા સમાજ દ્વારા તૈયાર કરવામાં આવેલા આ કલાત્મક તાજીયા પરંપરાગત રીતે શહેરના મુખ્ય માર્ગો પરથી પસાર થઈ શાંતિપૂર્ણ રીતે ઠંડા કરવામાં આવ્યા હતા
હાઇડ્રોલિક તાજીયાની વિશેષતાપાલીતાણાના તાજીયા તેની વિશેષ ‘હાઇડ્રોલિક સિસ્ટમ’ માટે પ્રખ્યાત છે:
બંધ સ્થિતિમાં ઊંચાઈ: આશરે 18 ફૂટ.પૂર્ણ વિસ્તૃત સ્થિતિમાં: હાઇડ્રોલિક સિસ્ટમ દ્વારા તેની ઊંચાઈ વધીને 24 ફૂટ સુધી પહોંચે છે.આ અદભૂત ટેકનિક અને કલાત્મકતાને કારણે જ પાલીતાણાના તાજીયા રાજ્યભરમાં એક અલગ ઓળખ ધરાવે છે
આ વર્ષનું ખાસ આકર્ષણ: ડ્રાયફ્રુટથી સજાવટ
દર વર્ષે કંઈક નવું કરવાનો પ્રયાસ કરતા
પાલીતાણાના કલાકારોએ આ વર્ષે સિપાહી સમાજના તાજીયામાં અનોખી નવીનતા ઉમેરી હતી.
ડ્રાયફ્રુટનો ઉપયોગ: તાજીયાને સુશોભિત કરવા માટે આશરે 110 કિલો કાજુ અને બદામનો ઉપયોગ કરીને અદભૂત ડિઝાઇન તૈયાર કરવામાં આવી હતી.
આધુનિક લાઇટિંગ: આ કલાને વધુ જીવંત બનાવવા માટે LED પ્રોજેક્ટર્સ, કલર લેમ્પ્સ અને આધુનિક લાઇટિંગનો કુશળતાપૂર્વક ઉપયોગ કરવામાં આવ્યો હતો, જે રાત્રિના સમયે તાજીયાને એક દિવ્ય અને આકર્ષક લુક આપતા હતા.
પાલીતાણાના આ કલાત્મક તાજીયા માત્ર શ્રદ્ધાનું પ્રતીક નથી, પરંતુ સ્થાનિક કારીગરોની અદભૂત કલા અને મહેનતનું ઉત્કૃષ્ટ ઉદાહરણ પણ છે.
રિપોર્ટર વિજય જાદવ પાલિતાણા
