અમરેલી એલસીબી ટીમનો દરોડો
કૃષ્ણપરા વિસ્તારમાં ઘર નજીક જ દેશી દારૂ ભરેલા કેરબા સાથે સકંજામાં લઈને કાર્યવાહી
અમરેલી: વડિયામાં ગ્રામ પંચાયતના મહિલા સદસ્યાનાં પતિ દારૂનું વેચાણ કરતા ક્રાઈમ બ્રાન્ચના હાથે ઝડપાઈ જતાં રાજકીય વર્તુળમાં ભારે ચકચાર મચી જવા પામી છે.
વડિયા ગ્રામ પંચાયતના મહિલા સદસ્યાનાં પતિ મહેશ નારણભાઇ ધામેચા વડિયાના કૃષ્ણપરા વિસ્તારમાં રહેણાંક મકાન પાસે આવેલી કેબીન નજીક દેશી દારૂ રાખી વેંચતા હોવાની બાતમી અમરેલી એલસીબી ટીમને પેટ્રોલિંગ દરમિયાન મળી હતી. જેથી ત્યાં દરોડો પાડીને તપાસ કરતા દેશી દારૂનું કેન ભરી વેચતો હોવાનું સામે આવતા પાસ પરમીટ વગર દારૂના વેચાણ બાબતે ગુનો દાખલ કરવામાં આવ્યો છે.
