Vadodara : વડોદરા શહેરના વેમાલી ગામના રહીશોને પ્રાથમિક સુવિધાઓ ઉપલબ્ધ કરાવવા તેમજ બોરિંગનું પાણી અત્યંત દૂષિત અને ક્ષારયુક્ત આવે છે. પાણીમાં ટીડીએસનું પ્રમાણ 1500થી 2000 સુધી હોવાથી કોર્પોરેશન દ્વારા પાણી પૂરું પાડવામાં આવે તે માટે સામાજિક કાર્યકરે મેયર, સ્ટેન્ડિંગ કમિટી ચેરમેન અને મ્યુનિસિપલ કમિશનરને રજૂઆત કરી છે.
સામાજિક કાર્યકર કમલેશ પરમારની રજૂઆત મુજબ વેમાલી ગામનો વડોદરા મ્યુનિસિપલ કોર્પોરેશનની હદમાં સમાવેશ થયા બાદ રહીશો નિયમિત રીતે તમામ પ્રકારના વેરા ભરી રહ્યા છે, છતાં વિસ્તાર આજે પણ પાયાની સુવિધાઓથી વંચિત છે.
તેમજ વિસ્તારમાં બોરિંગનું પાણી અત્યંત દૂષિત અને ક્ષારયુક્ત આવે છે. પાણીમાં ટીડીએસનું પ્રમાણ 1500થી 2000 સુધી હોવાનું જણાવાયું છે, જે બોરિંગનું પાણી અત્યંત દૂષિત અને ક્ષારયુક્ત આવે છે. પાણીમાં ટીડીએસનું પ્રમાણ 1500થી 2000 સુધી હોવાનું જણાવાયું છે,જે પીવા માટે યોગ્ય નથી. પરિણામે સ્થાનિકોને પાણીના ટેન્કરો મંગાવવા તેમજ પીવાના પાણીના જગ ખરીદવાની ફરજ પડી રહી છે.
આ ઉપરાંત, ડ્રેનેજ લાઇનનું યોગ્ય આયોજન ન હોવાથી કોમ્યુનિટી હોલની આસપાસ દૂષિત પાણીનો ભરાવો થતો હોવાનું રજૂઆતમાં જણાવાયું છે. વિસ્તારના મુખ્ય અને આંતરિક માર્ગો ખખડધજ હાલતમાં છે, જ્યારે સ્પીડ બ્રેકરોના અભાવે વાહનો પૂરપાટ ઝડપે દોડતા હોવાથી અકસ્માતનો ભય પણ રહે છે. ઘણા વિસ્તારોમાં સ્ટ્રીટ લાઇટની સુવિધા ન હોવાથી રાત્રિના સમયે સ્થાનિકોને મુશ્કેલીનો સામનો કરવો પડે છે.
વધુમાં ઉમેર્યું કે સ્માર્ટ સિટી યોજના હેઠળ વેમાલી ગામના તળાવના બ્યુટીફિકેશનની કામગીરી હાથ ધરાઈ હોવા છતાં તળાવની હાલત દયનીય બની છે. સ્થાનિકોની સમસ્યાઓને ધ્યાને લઈ મ્યુનિસિપલ કોર્પોરેશનના સત્તાધીશો વેમાલી ગામની રૂબરૂ મુલાકાત લઈ વાસ્તવિક પરિસ્થિતિનો તાગ મેળવે અને પ્રાથમિક સુવિધાઓ વહેલી તકે ઉપલબ્ધ કરાવે તેવી માગ કરાઈ છે.
