Ahmedabad Bootlegger Illegal Construction Demolished: ગુજરાતમાં દારૂબંધી હોવા છતાં છાશવારે દેશી દારૂના ઠેકાણા તેમજ દારૂ પીને આતંક મચાવનારા નબીરાઓ સામે આવતા હોય છે. એવામાં હાલ હવે અમદાવાદ પોલીસ દ્વારા અસામાજિક તત્વો સામે કડક કાર્યવાહી હાથ ધરવામાં આવી રહી છે. જે હેઠળ બુધવારે (19 માર્ચ) અમદાવાદના કાગઠાપીઠ પોલીસ સ્ટેશનની હદમાં આવતા વિસ્તારમાં એક મહિલા બુટલેગરના ઘરે બુલડોઝર ફેરવવામાં આવ્યું છે. AMC ની દબાણ શાખાની ટીમ દ્વારા આ કાર્યવાહી હાથ ધરવામાં આવી હતી.
આ પણ વાંચોઃ વસ્ત્રાલની ઘટના બાદ પોલીસ બેડામાં ઉથલ-પાથલ, અમદાવાદ પૂર્વના એક ઝાટકે 28 PIની બદલી
લિસ્ટેડ મહિલા બુટલેગર પર કાર્યવાહી
મળતી માહિતી મુજબ, અમદાવાદના કાગડાપીઠ પોલીસ સ્ટેશનમાં દેશી દારૂના વેચાણને લઈને અનેક ફરિયાદો સામે આવી હતી. જે હેઠળ પોલીસ દ્વારા કાર્યવાહી હાથ ધરવામાં આવી છે. બુધવારે (19 માર્ચ) વહેલી સવારે અમદાવાદ પોલીસ અને AMC ની દબાણ શાખાની ટીમ દ્વારા લિસ્ટેડ બુટલેગર લીલાબેન ચુનારાના ગેરકાયદે બાંધકામને તોડી પાડવામાં આવ્યું છે.
પોલીસે આ મામલે વધુ તપાસ હાથ ધરી છે. આ સિવાય આગળ પણ આ અંગે વધુ કાર્યવાહી હાથ ધરવામાં આવશે. આ સિવાય અમદાવાદ પોલીસ દ્વારા આવા અસામાજિક તત્વોને રોકવા માટે વોટ્સએપ નંબર પણ રજૂ કરવામાં આવ્યો છે. જેમાં ભય ફેલાવનાર, લુખ્ખાગીરી કરનાર કે અન્ય કોઈ પ્રકારના ગેરકાયદે કૃત્ય કરનાર અસામાજિક તત્વો સામે ઝૂંબેશ શરૂ કરવામાં આવી છે. જે માટે કોઈપણ જાગૃત નાગરિક આવા ઈસમો વિશે વોટ્સએપ નંબર 63596 25365 પર ક્રાઈમ બ્રાન્ચને જાણ કરી શકો છો.
