– ભાવનગર જિલ્લા પોલીસની કાર્યવાહી
– લોકલ ક્રાઇમ બ્રાન્ચ, ગંગાજળીયા, વરતેજ, તળાજા પોલીસ સ્ટેશનમાં શખ્સો વિરૂધ્ધ ગુના નોંધાયા હતા.
ભાવનગર : ઇંગ્લીશ દારૂની ગેરકાયદેસર પ્રવૃતિમાં સંડોવાયેલ ઇસમોને તથા માથાભારે ઇસમની ભાવનગર જીલ્લા પોલીસે પાસા હેઠળ અટકાયત કરી અલગ-અલગ જેલમાં મોકલી આપ્યા હતા.
ભાવનગર,લોકલ ક્રાઇમ બ્રાન્ચ, ગંગાજળીયા પોલીસ સ્ટેશન, વરતેજ પોલીસ સ્ટેશન તથા તળાજા પોલીસ સ્ટેશન દ્વારા અગાઉ ઇંગ્લીશ દારૂની ગેરકાયદેસરની પ્રવૃતિ તથા શરીર સંબંધી ગુન્હાઓમાં સંડોવાયેલ ઇસમો વિરૂધ્ધ પાસા અંગેની દરખાસ્ત તૈયાર કરી જીલ્લા મેજીસ્ટ્રેટ ભાવનગર તરફ મોકલી આપવામાં આવી હતી. હતી.જે અંગે જીલ્લા મેજીસ્ટ્રેટ ભાવનગરએ પાસા દરખાસ્ત માન્ય રાખી નટુ બાબુભાઇ મકવાણા ( રહે.જુના રાજપરા, તા.તળાજા ),વિશાલ ઉર્ફે ડી ભરતભાઇ ચૌહાણ ( રહે.રામાપીરના મંદિર સામે, પોપટનગર, કરચલીયા પરા, ભાવનગર),વિજય ભુપતભાઇ પરમાર (રહે.મફતનગર,હનુમાનજી મંદિરની પાસે,ફુલસર, ભાવનગર ), વિક્રમ ઉર્ફે વિકો ભુપતભાઇ ચૌહાણ ( રહે.નિશાળની બાજુમાં, સોડવદરા ), અજય ગોપાભાઇ ચૌહાણ (રહે.કરમેશ્વર નિશાળની પાછળ, ગણેશગઢ, ચિત્રા, ભાવનગર મુળ-વરલ ગામ તા.શિહોર), ગોપાલ ઉર્ફે ભોલો નટુભાઇ ચૌહાણ (રહે.સોડવદરા તા.જી.ભાવનગર), ભાવેશ ઉર્ફે ભોલો ગોવિંદભાઇ કોતર ( રહે.સીડી શેરી, ટીમાણા તા.તળાજા) સામે પાસા વોરંટ ઇશ્યુ કરતા ભાવનગર પોલીસે પાસા વોરંટની બજવણી કરી ગુજરાત રાજયની અલગ-અલગ જેલોમાં મોકલી આપવામાં આવ્યા હતા.
