અમદાવાદ : દેશના વિવિધ મોલમાં રિટેલ લીઝિંગમાં પરિવર્તન જોવા મળી રહ્યું છે. આ ક્ષેત્રમાં, એપેરલ સેગમેન્ટનું વર્ચસ્વ હવે ઘટી રહ્યું છે, જ્યારે ખાદ્ય અને પીણાંનો હિસ્સો વધી રહ્યો છે. એપેરલના હિસ્સામાં ઘટાડો થવા છતાં, તેનો હિસ્સો હજુ પણ સૌથી વધુ છે. સુંદરતા અને સુખાકારીની સાથે જ્વેલરી અને રમતગમતનો હિસ્સો પણ વધી રહ્યો છે.
એનારોક રિસર્ચે તેના અહેવાલમાં જણાવ્યું હતું કે ૨૦૨૫ના પ્રથમ છ મહિનામાં, ટોચના ૭ શહેરોમાં ૨૦ લાખ ચોરસ ફૂટથી વધુની રિટેલ માંગમાંથી, લગભગ ૩૩ ટકા એપેરલ બ્રાન્ડ્સ દ્વારા, ૨૧ ટકા એફએન્ડબી બ્રાન્ડ્સ દ્વારા, ૧૬ ટકા મનોરંજન ક્ષેત્રો દ્વારા અને ૧૧ ટકા ઘર અને જીવનશૈલી બ્રાન્ડ્સ દ્વારા ભાડે લેવામાં આવ્યું હતું તેમ એનારોક રિસર્ચે તેના અહેવાલમાં જણાવાયું હતું.
