જમ્મુમાં 190.4 મિમી વરસાદ
હિમાચલ પ્રદેશમાં ભારે વરસાદને પગલે બે નેશનલ હાઇવે સહિત 484 રોડ બંધ
જમ્મુ/કોટા: જમ્મુ-કાશ્મીર, હિમાચલ પ્રદેશ અને રાજસ્થાન સહિત ઉતત્ર ભારતના રાજ્યોમાં મધ્યમથી ભારે વરસાદને કારણે નીચાણવાળા વિસ્તારોમાં પૂર જેવી સ્થિતિનું નિર્માણ થયું છે અને રસ્તાઓ, પુલ અને અન્ય બાંધકામોને નુકસાન થયું છે.
જમ્મુમાં રવિવાર સવારે ૮.૩૦ સુધીમાં છેલ્લા ૨૪ કલાકમાં ૧૯૦.૪ મિમી વરસાદ નોંધાયો છે. આ વરસાદ છેલ્લા ૧૦૦ વર્ષમાં ઓગસ્ટમાં નોંધાયેલા બીજો સૌથી વધુ વરસાદ છે. છેલ્લે ૫ ઓગસ્ટ, ૧૯૨૬ના રોજ ૨૨૮.૬ મિમી વરસાદ નોંધાયો હતો. જ્યારે બીજો સૌથી વધુ વરસાદ ૧૧ ઓગસ્ટ, ૨૦૨૨ના રોજ ૧૮૯.૬ મિમી નોંધાયો હતો.
ભારતીય હવામાન વિભાગના જણાવ્યા અનુસાર ઝારખંડમાં પણ ભારે વરસાદ ચાલુ રહ્યો છે. અરૂણાચલ પ્રદેશમાં પણ ૨૮ ઓગસ્ટ સુધી વરસાદની સંભાવના દર્શાવવામાં આવી છે.
જમ્મુ-કાશ્મીરની મોટા ભાગની નદીઓમાં પાણીનું સ્તર વધી ગયુ છે. રાજ્યના મુખ્યપ્રધાન ઓમર અબ્દુલ્લાહે તમામ વિભાગોને હાઇ એલર્ટ પર રહેવાનું જણાવ્યું છે.
ખરાબ હવામાનને કારણે જમ્મુ ડિવિઝનમાં આવતીકાલે તમામ સરકારી અને ખાનગી શાળાઓ બંધ રાખવાનો નિર્ણય લેવાયો છે. જમ્મુ અને કાશ્મીર બોર્ડ ઓફ સ્કૂલ એજયુકેશને ધો. ૧૦ અને ૧૧ની પરીક્ષાઓ મોકુફ રાખવાની જાહેરાત કરી છે.
જમ્મુમાં ઇન્ડિયન ઇન્સ્ટીટયૂટ ઓફ ઇન્ટેગ્રેટીવ મેડિસિન (આઇઆઇઆઇએમ)નૌ ૪૫ વિદ્યાર્થીઓને સ્ટેટ ડિઝાસ્ટર રિસ્પોન્સ ફોર્સ (એસડીઆરએફ) અને પોલીસે બચાવ્યા હતા.ં હોસ્ટેલના ગ્રાઉન્ડ ફલોરમાં પાણી ભરાઇ ગયું હતું.
હિમાચલ પ્રદેશમાં ભારે વરસાદને પગલે બે નેશનલ હાઇવે સહિત ૪૮૪ રોડ ટ્રાફિક માટે બંધ રાખવામાં આવ્યા હતાં.
