અમદાવાદ, રવિવાર
અમદાવાદમાં ઓવરલોડ વાહનો ઓવર સ્પીડમાં બેફામ માતેલા સાંઢની જેમ જોખમી રીતે હંકારી રહ્યા છે. જેના કારણે લોકોના જીવને જોખમમાં મૂકી રહ્યા છે એટલું જ નહી લોકો કરોડોના દંડ ચૂકવવા તૈયાર છે પણ ટ્રાફિકના નિયમો પાળવા તૈયાર નથી. જાહેર જાણે રોડ રેસનું મેદાન હોય તેમ તેમ પૂર ઝડપે વાહનો હંકારતા હોવાથી હિટ એન્ડ રન તથા અકસ્માતની ઘટનાઓ સામે આવી રહી છે. અમદાવાદ આરટીઓ ડ્રાઇવ રાખીને ૨૦૨૫માં સૌથી વધુ ઓવરલોડ વાહન ચાલકો પાસેથી રૃા. ૨.૨૪ કરોડ તથા ઇ-ચલણ મેમોના ૧૦.૩૯ કરોડ મળી કુલ વાહન ચાલકોને કુલ રૃા. ૫૪૨ કરોડનો દંડ ફટકાર્યો હતો.
આરટીઓ એ ૨૦૨૫ના વ ર્ષમાં સૌથી વધુ ઓવર લોડ વાહન ચાલકો પાસેથી રૃા.૨.૨૪ કરોડ, ઇ-ચલણ મેમોના ૧૦.૩૯ કરોડનો દંડ વસૂલ્યો
અમદાવાદમાં દિન પ્રતિદિન વાહન ચાલકો દ્વારા ટ્રાફિકના નિયમોનું સરઆમ ઉલ્લંઘન કરીને બેફામ વાહનો ચલાવીને અકસ્માત સર્જી રહ્યા છે. અમદાવાદમાં ચારે બાજુ બાંધકામ થઇ રહ્યા છે તો બીજી તરફ ટ્રક ચાલકો સહિતના લોકો વાહનોમાં લોખંડના સળિયા સહિતનો માલ સામાન ભરીને નિયમો નેવે મૂકીને ઓવર લોડ ભરીને ફરતા હોય છે. ટ્રાફિક પોલીસ અને આરટીઓ તંત્ર દ્વારા સ્પીડ લીમીટ સ્પીડ ગન લઇને ઉભા રહે છે છતાં અમદાવાદ ફરતે રિંગ રોડ ઉપર રાત દિવસ વાહન ચાલકો નિયમો તોડીને પૂર ઝડપે વાહનો હંકારીને અકસ્માત કરીને વાહન મૂકીને નાસી જતા હોય છે.
અમદાવાદ ઇન્ચાર્જ આરટીઓ નિરવ બક્ષીના જણાવ્યા મુજબ આરટીઓએ ૨૦૨૫ના વર્ષ દરમિયાન ખાસ ડ્રાઇવ રાખીને કાયદેસરની કાર્યવાહી કરી હતી. જેમાં સૌથી વધુ ઓવર લોડમાં વાહનો હંકારતા લોકો પાસેથી રૃા. ૨.૨૪ કરોડ તથા ઓવર ડાયમન માટે રૃા. ૧.૧૨ કરોડનો દંડ લીધો હતો અને ઇ-ચણલના ૧૦.૩૯ કરોડનો દંડ વસૂલ્યો હતો. ઉપરાંતઓવર સ્પીડમાં વાહન ચલાવનારા પાસેથી ૯૨ લાખનો દંડ તેમજ વાહન ફિટનેશનો રૃા. ૪૯ લાખ તેમજ પરમીટના રૃા. ૪૦ લાખ મળી કુલ રૃા.૫૪૨ કરોડો વાહન ચાલકોને ફટકાર્યોે હતો.
—-
અમદાવાદમાં દારુ પીને તેમજ જીવલેણ ડ્રાઈવિંગ કરનાર ૨૯૦ લોકોના લાયસન્સ સસ્પેન્ડ કરાયા
અમદાવાદમાં બેફામ વાહનો હંકારવાના કારણે હિટ એન્ડ રન તથા અકસ્માતના બનાવો વધી રહ્યા છે. આવા વાહન ચાલકો સામે ટ્રાફિક પોલીસ દ્વારા ગુનો નોંધીને આરટીઓ પાસે મોકલવામાં આવે છે. જેમાં ખાસ કરીને દારુ પીને વાહન ચલાવતા તથા ડ્રાઇવિંગ લાયસન્સ ના હોય અને વાહન હંકારતા હોય તથા જોખમી ડ્રાઇવિંગ તેમજ વધુ વખત મેમા આવેલા હોય તથા પૂર ઝડપે વાહન ચલાવીને અકસ્માત કર્યોે હોય તેવા લોકોના ૨૦૨૫ના વર્ષ દરમિયાન ૨૯૦ વાહન ચાલકોના ડ્રાઇવિંગ લાયસન્સ સસ્પેન્ડ કર્યા હતા.
———
એલઇડી લાઇટ લગાવેલાં વાહનોને રૃા. ૧૨ લાખનો દંડ
અમદાવાદમાં ફોર વ્હીલમાં ખાસ કરીને એલઇડી લાઇટ લગાડીને ઓવર સ્પીડમાં વાહનો હંકારવાના કારણે રાતના સમયે સામેથી આવતા વાહન ચાલકો અંજાઇ જતા હોય છે. નિયમ મુજબ કંપની દ્વારા પીળી લાઈટ આપવામાં આવતી હોય છે. પરંતુ કેટલાક વાહન ચાલકો નિયમોનો ભંગ કરીને વાહનોમાં ગેરકાયદે એલ.ઇ.ડી લાઇટ લગાવીને રોડ ઉપર ફરતા હોય છે જેના કારણે અકસ્માતના બનાવો વધી રહ્યા છે. અમદાવાદ આરટીઓએ ૨૦૨૫ના વર્ષ દરમિયાન આવા વાહન ચાલકો પાસેથી કુલ ૧૨ લાખ દંડ વસૂલ્યો હતો.
