વડોદરા,રખડતા કૂતરાના કારણે શહેરમાં દિવાળીના તહેવાર દરમિયાન ત્રણ વાહન ચાલકો પટકાતા તેઓને ઇજા થતા સારવાર માટે સયાજી હોસ્પિટલમાં દાખલ કરવામાં આવ્યા છે.
ખંડેરાવ માર્કેટ પાસે રહેતો રોકી કહાર ( ઉં.વ.૩૨) નવા વર્ષની મોડીરાતે મોપેડ લઇને જતો હતો. તે દરમિયાન ખંડેરાવ માર્કેટ પાસે રસ્તા વચ્ચે કૂતરૃં આવી જતા રોડ પર પટકાતા જમણા હાથે ઇજા થતા સારવાર માટે સયાજી હોસ્પિટલમાં દાખલ કરવામાં આવ્યો છે.
મહારાષ્ટ્રના ધૂળે ખાતે રહેતો ૨૮ વર્ષનો કુનાલ સંદિપભાઇ પાટિલ પોતાના ઓળખીતાની ત્યાં વડોદરા આવ્યો હતો. ગત ૨૨ મી તારીખે સવારે સવા અગિયાર વાગ્યે હાઇવે પર કપુરાઇ ચોકડીથી આજવા ચોકડીની વચ્ચે સિદ્ધેશ્વર હર્બલ પાસે ટુ વ્હિલર લઇને જતો હતો. તે દરમિયાન રસ્તા વચ્ચે કૂતરૃં આવી જતા રોડ પર પટકાતા ઇજા થતા સયાજી હોસ્પિટલમાં દાખલ કરવામાં આવ્યો હતો.
કરોડિયા રોડ શિવાય લેન્ડ માર્કમાં રહેતો ધવલ વિનુભાઇ મકવાણા ( ઉં.વ.૩૧) નવા વર્ષની પૂર્વ રાતે એક વાગ્યે કાર લઇને જતો હતો. તે દરમિયાન રસ્તા વચ્ચે કૂતરૃં આવી જતા કાર ડિવાઇડર પર ચઢીને થાંભલા સાથે અથડાઇ હતી. કાર ચાલકને ઇજા થતા સારવાર માટે સયાજી હોસ્પિટલમાં દાખલ કરવામાં આવ્યો છે.
