Rain Forecast, Gujarat : ગુજરાતના છૂટાછવાયા વિસ્તારોમાં ભારેથી અતિભારે વરસાદ વરસી રહ્યો છે, ત્યારે આજે (13 જુલાઈ) સૌરાષ્ટ્ર, ઉત્તર અને મધ્ય ગુજરાત સહિતના અનેક વિસ્તારોમાં હળવાથી ભારે વરસાદ ખાબક્યો છે. હવામાન વિભાગે આગામી ત્રણ દિવસ ભારેથી અતિભારે વરસાદને લઈને યલો-ઑરેન્જ ઍલર્ટ જાહેર કર્યું છે. આજે રવિવારે હવામાન વિભાગે ત્રણ કલાકને લઈને સૌરાષ્ટ્રના બે જિલ્લામાં રેડ ઍલર્ટ જાહેર કર્યું છે. ચાલો જાણીએ ક્યાં-કેવો રહેશે વરસાદી માહોલ.
આ બે જિલ્લામાં રેડ ઍલર્ટ
હવામાન વિભાગના Nowcast મુજબ, આજે (13 જુલાઈ) રાત્રે 10 વાગ્યાથી આગામી ત્રણ કલાક એટલે કે 1 વાગ્યા સુધીમાં સુરેન્દ્રનગર અને બોટાદ જિલ્લામાં રેડ ઍલર્ટ જાહેર કર્યું છે. જ્યારે કચ્છ, મોરબી, પાટણ, બનાસકાંઠા, મહેસાણા, સાબરકાંઠા, અરવલ્લી, મહીસાગર, દાહોદ, ખેડા, પંચમહાલ, વડોદરા, આણંદ, જામનગર, રાજકોટ, સુરત, તાપી, ડાંગ સહિત રાજ્યભરમાં ભારે વરસાદની આગાહી છે.
આવતીકાલે 11 જિલ્લામાં ભારે વરસાદની આગાહી
હવામાન વિભાગની આગાહી, આવતીકાલે સોમવારે (14 જુલાઈ) સાબરકાંઠા, અરવલ્લી, મહીસાગર જિલ્લામાં અતિભારે વરસાદને લઈને ઑરેન્જ ઍલર્ટ અને બનાસકાંઠા, મહેસાણા, દાહોદ, પંચમહાલ, ભાવનગર, અમરેલી, નવસારી, વલસાડ જિલ્લામાં ગાજવીજ સાથે ભારે વરસાદને લઈને યલો ઍલર્ટ જાહેર કર્યું છે.
આ પણ વાંચો: ‘પાયલટે પડકારજનક પરિસ્થિતિઓમાં જવાબદારી સાથે કામ કર્યું’, અમદાવાદ પ્લેન ક્રેશ મુદ્દે ICPAનું મોટું નિવેદન
15-16 જુલાઈની આગાહી
રાજ્યમાં આગામી 15-16 જુલાઈના રોજ 6 થી વધુ જિલ્લામાં હવામાન વિભાગે યલો ઍલર્ટ જાહેર કર્યું છે. જેમાં બનાસકાંઠા, મહેસાણા, સાબરકાંઠા, અરવલ્લી, મહીસાગર, દાહોદ જિલ્લામાં ગાજવીજ સાથે ભારે વરસાદની આગાહી છે.
