અમદાવાદ,મંગળવાર
ઘીકાંટા ખાતે હોલસેલમાં શર્ટ વેચવાની દુકાનમાં નોકરી કરતા ખૂદ કર્મચારીએ જ રૃા. ૩.૭૪ લાખના શર્ટના કાર્ટુનની ચોરી કરી હતી. વેપારીએ સીસીટીવી ફૂટેજ ચેક કરતાં ચોરીની જાણ થઇ હતી. આ બનાવ અંગે કારંજ પોલીસે ગુનો નોંધી વધુ તપાસ હાથ ધરી છે.
સ્ટોક ચેક કરતા શર્ટના માલના કાર્ટુનની ચોરી ઃ કારંજ પોલીસે ચોરીનો ગુનો નોંધી વધુ તપાસ હાથ ધરી
ઘોડાસર વિસ્તારમાં રહેતા અને ઘી કાંટા ખાતે હોલસેલ શર્ટની દુકાન ધરાવીને વ્યવસાય કરતા વેપારીએ કારંજ પોલીસ સ્ટેશનમાં તેમની દુકાનમાં નોકરી કરતા અને અસારવા ખાતે રહેતા કર્મચારી સામે ફરિયાદ નોંધાવી છે.
જેમાં તા.૨૬-૧૧-૨૫ના રોજ વેપારીને બાજુની દુકાનના વેપારીએ ફોન કરીને ચોરી થઇ હોવાની જાણ કરી હતી. જેથી વેપારીએ સીસીટીવી ફૂટેજ ચેક કરતાં તેમની દુકાનમાં નોકરી કરતા આરોપીએ ડુપ્લીકેટ ચાવીથી ગોડાઉન ખોલીને તેમાંથી રૃા.રૃા. ૩.૭૪ લાખના શર્ટના કાર્ટુનની ચોરી કરી હતી.
