વડોદરાઃ ગોત્રી વિસ્તારમાં સોસાયટીમાં રસ્તા વચ્ચે કાર ઉભી રાખવાના મુદ્દે તકરાર કરી બે યુવક અને એક યુવતીએ ઝઘડો કરી મારામારી કરી હોવાનો બનાવ બન્યો હતો.
કલેક્ટરની ચૂંટણી શાખામાં ફરજ બજાવતા જૈમિનભાઇ પરમારે પોલીસને કહ્યું છે કે,ગઇ તા.૧૧મીએ રાતે હું મારા સાળાની કાર લઇને મિત્ર તુષાર સાથે મીરાંપાર્ક સોસાયટીમાં રહેતા હર્ષને ઘેર ગયો હતો.હર્ષ વિદેશ જતો હોવાથી અમે તેની કારમાં સામાન મૂકી રહ્યા હતા.
આ વખતે સામેથી આવેલી કારમાંથી આશિષ અને મનિષ નામના બે યુવકો તેમજ યુવતી ઉતર્યા હતા.તેમણે રસ્તા વચ્ચે કાર કેમ ઉભી રાખી છે તેમ કહી ઝઘડો કર્યો હતો અને મને અને મારા મિત્રને માર મારી બેટ વડે કારને ગોબા પાડયા હતા.જેથી પોલીસે ત્રણ જણા સામે ગુનો નોંધ્યો છે.
