વડોદરા,મકરપુરા અને માંજલપુર વિસ્તારમાં ચોરીઓ કરતી ચામાચીડિયા ગેંગના બે સાગરીતોેને પોલીસે ઝડપી પાડયા છે. બે આરોપીઓ પકડાતા ગેંગના અન્ય સાગરીતો વડોદરા છોડીને ભાગી ગયા છે.
સુશેન સર્કલ પાસેથી પોલીસે ચામાચીડિયા ગેંગના દેવરાજ ઉર્ફે ભૂરિયો સોલંકી તથા કબીર ઉર્ફે લલ્લુ જશવંતભાઇ સોલંકી ને ઝડપી પાડયા હતા. મૂળ મધ્યપ્રદેશન આ ગેંગમાં સામેલ એક સગીરને પણ પોલીસે પકડી લીધો હતો. જ્યારે આ ગેંગના અન્ય સાગરીતો વડોદરા છોડીને ભાગી ગયા હતા. દેવરાજ સામે મધ્યપ્રદેશના મહાકાલ, ચીમનગંજ, નિલમગંગા પોલીસ સ્ટેશનમાં ગુનાઓ નોંધાયા છે. જ્યારે વોન્ટેડ આરોપી રાજપાલ સામે મધ્યપ્રદેશમાં ૭ ગુનાઓ નોંધાયા છે. પોલીસે પકડાયેલા આરોપીઓને કોર્ટમાં રજૂ કરી પોલીસે રિમાન્ડ પણ મેળવ્યા છે.
