ભાવનગર, ગઢડા, મહુવાનો કોર્ટનો ચુકાદો
આરોપીઓને ચેકની રકમ દંડ પેટે જમા કરાવવા ફરમાન
ભાવનગર – ચેક રિટર્નના જુદા-જુદા ચાર કેસમાં ચાર આરોપીને કોર્ટે સજા અને દંડની રકમ જમા કરાવવા હુકમ કરેલ છે.
મહુવાના એડીશનલ ચીફ જ્યુડી. મેજિ.ની કોર્ટે રિલાયન્સીસ સેલ્સના ઓર્થોરાઈઝ સિગ્નેચરી પરાગ પ્રગતિ કાડાકડિયા (રહે, સત્ય સાંઈ કૃપા, સીએચએસએલ, પેહેલો માળ, બી/૧૦૧, ઓલીવ ગાર્ડન ઉપર, સત્યનગર, બોરીવલી, વેસ્ટ મુંબઈ) નામના શખ્સને એક વર્ષ સાદી કેદની સજા, ચેકની બમણી રકમ રૃા.૩,૩૦,૦૦૦નો દંડ અને દંડની રકમમાંથી રૃા.૧.૬૫ લાખ વાર્ષિક ૯ ટકાના વ્યાજ સહિત ફરિયાદીને વળતર તરીકે ચુકવવા હુકમ કરેલ છે.
ભાવનગરના બીજા એડી. ચીફ જ્યુડી. મેજિ. (સ્પે. નેગો. કોર્ટ)એ વિક્રમ ખાટાભાઈ બારૈયા (રહે, વાડી વિસ્તાર, મોટા ખોખરા, તા.ઘોઘા) નામના શખ્સને ચેક રિટર્ન કેસમાં એક માસ સાદી કેદની સજા, દંડ પેટે રૃા.૨૫૦૦ ભરપાઈ કરવા હુકમ કરેલ છે. અન્ય એક કેસમાં ભાવનગરના બીજા એડી. ચીફ જ્યુડી. મેજિ. (સ્પે. નેગો. કોર્ટ)એ રાજેશ ભોળાભાઈ રાઠોડ (રહે, રૃખડિયા હનુમાનજી મંદિર, દાતાવડિયા, ક.પરા)ને એક વર્ષ સાદી કેદની સજા અને ચેકની રકમ દંડ પેટે જમા કરાવવા ફરમાન કરેલ છે.
ગઢડાના એડી. જ્યુડી. મેજિ. ફર્સ્ટ ક્લાસે આરોપી યોગેશ ચંદુભાઈ સોલંકી (રહે, મકાન નં.૧૦૯૧, શેરી નં.૨૮, અક્ષયપાર્ક, કુંભારવાડા, હાદાનગરની બાજુમાં, સરકારી સ્કૂલની બાજુમાં)ને ચેક બાઉન્સના કેસમાં તકસીરવાન ઠેરવી છ માસ સાદી કેદની સજા, ચેકની રકમ ચાર લાખ રૃપિયા ફરિયાદીને ૩૦ દિવસમાં વળતર પેટે ચુકવી આપવા હુકમ કરેલ છે.
