Jamnagar Gambling Raid : જામજોધપુર તાલુકાના મોટા વડિયા ગામમાં ગઈ રાત્રે પોલીસે જુગાર અંગે દરોડો પાડી પાંચ જુગારીઓને ઝડપી લીધા છે, અને જુગારનો સામાન કબજે કર્યો છે.
જામજોધપુર પોલીસને મળેલી બાતમીના આધારે મોટા વડિયા ગામમાં જુગારનો દરોડો પાડયો હતો. જ્યાં સ્ટ્રીટ લાઈટના અજવાળે ગંજીપાનાનો જુગાર રમી રહેલા મંગાભાઈ રામાભાઈ વાઘ, ચીમનભાઈ વેજાભાઈ વાઘ, નિલેશ સોમાભાઈ કરમુર, કિશોર મંગાભાઈ વાઘ અને યુસુફ શરીફભાઈ શેખ સહિત પાંચની અટકાયત કરી લઈ તેઓ પાસેથી રૂપિયા 4,590 ની રોકડ રકમ અને જુગારનો સામાન કબજે કર્યો છે.
