જામનગર મહાનગરપાલિકાની સ્ટેન્ડિંગ કમિટીની આજે મળેલી બેઠકમાં કુલ રૂ. 41 કરોડ 30 લાખના ખર્ચને મંજૂરી આપવામાં આવી હતી. આ ઉપરાંત ચાર દરખાસ્તો ચેર ઉપરથી રજૂ કરવામાં આવી હતી.
જામનગર મહાનગર પાલિકા ની સ્ટેન્ડીંગ કમિટી ની મીટીંગ આજે ચેરમેન નિલેશ બી. કગથરા ના અધ્યક્ષ સ્થાને મળી હતી. તેમાં કુલ ૧૦ સભ્યો ઉપરાંત મેયર વિનોદભાઈ ખીમસૂર્યા, ડે. મેયર ક્રિષ્નાબેન સોઢા, કમિશ્નર ડી.એન.મોદી, ડે. કમિશ્નર દેવેન્દ્રસિંહ ઝાલા, સીટી એન્જીનીયર ભાવેશભાઈ જાની, આસી. કમિશ્નરશ્રી (વ.) મુકેશ વરસણા, ઇંચા. આસી. કમિશ્નરશ્રી (ટે.) જીજ્ઞેશ નિર્મલ ઉપસ્થિત રહ્યાં હતા.
સીવીલ સેન્ટ્રલ ઝોન (વોર્ડ નં. 13) વિસ્તારમાં ખાનગી સોસાયટીઓમાં, ગુજરાત હાઉસીંગ બોર્ડની વસાહતોમાં તથા અન્ય રહેણાંક વિસ્તારોમાં લોકભાગીદારીથી માળખાકીય સુવિધાઓની વિકાસની યોજના અંતર્ગત સી.સી. રોડ / સી.સી. બ્લોક (પેવર બ્લોક) ના કામ અંગે રૂા. ૨૫૦ લાખ , સીવીલ સેન્ટ્રલ ઝોન (વોર્ડ નં. 14) વિસ્તારમાં ખાનગી સોસાયટીઓમાં, ગુજરાત હાઉસીંગ બોર્ડની વસાહતોમાં તથા અન્ય રહેણાંક વિસ્તારોમાં લોકભાગીદારીથી માળખાકીય સુવિધાઓની વિકાસની યોજના અંતર્ગત સી.સી. રોડ / સી.સી. બ્લોક (પેવર બ્લોક) ના કામ અંગે રૂા. 250 લાખના ખર્ચને બહાલી આપવામાં આવી હતી.
વોર્ડ નં. 11, ગુજરાત ગેસ પમ્પ થી નવનાલા થી યોગેશ્વરનગર થી હાપા માર્કેટ યાર્ડ રેલ્વે બીજ સુધી 30 મીટર પહોળા રોડ પર સી.સી. રોડ બનાવવા માટે
રૂા. 1096.61 લાખ , વોર્ડ નં. 10માં પોટરીવાળી ગલીમાં પોસ્ટ ઓફીસ થી સતવારા સમાજ થઈ ઈન્દીરા રોડ ના પેટ્રોલ પમ્પ તથા તેની લગત આંતરિક શેરી વિસ્તારના સી.સી. રોડ તથા ધણ શેરીની ખાડ થી ભાનુશાળી લોખંડવાળા થઈ પેટ્રોલ પમ્પને જોડતા આડા ઉભા રોડમાં સી.સી. રોડ બનાવવાના કામ માટે રૂા. 163.91 લાખ., વોર્ડ નં. 15, કનસુમરા પાટીયા સામેથી સર્વે નં. 1327થી સર્વે નં. 1307થી સર્વે નં. 80 -રાજકોટ – જામનગર હાઈવે સુધી સી.સી. રોડના કામ અન્વયે વધારાના કામ માટે રૂા. 47.84 લાખ , વોર્ડ નં. 2, ગાંધીનગર સ્મશાનની કમ્પાઉન્ડ વોલ ના કામ અંગે રૂા. 21.73 લાખ , સીવીલ વેસ્ટ ઝોન (વોર્ડ નં. 1, 6 અને 7) માં સ્ટ્રેન્સિંધનિંગ એન્ડ અપગ્રેડેશન ઓફ કેનાલ – બીજ વર્કસના કામે અન્વયે વધારાના કામના ખર્ચ માટે રૂા. ૫ લાખ , સીવીલ વેસ્ટ ઝોન (વોર્ડ નં. 1, 6 અને 7) માં સ્ટ્રેન્ધનીંગ એન્ડ અપગ્રેડેશન ઓફ ગાર્ડન વર્કસના કામ અન્વયે વધારાના કામના ખર્ચ અંગે રૂા. 5 લાખ, સીવીલ વેસ્ટ ઝોન (વોર્ડ નં. 1, 6 અને 7) માં સ્ટ્રેન્ધનીંગ એન્ડ અપગ્રેડેશન ઓફ ટ્રાફીક વર્કસના કામ અન્વયે વધારાના કામના ખર્ચ અંગે રૂા. 5 લાખ, સીવીલ વેસ્ટ ઝોન (વોર્ડ નં. 1, 6 અને 7) માં સ્ટ્રેન્ધનીંગ એન્ડ અપગ્રેડેશન ઓફ બિલ્ડીંગ વર્કસના કામ અન્વયે વધારાના ખર્ચ અંગે રૂા. 5 લાખ, ડીઝાઈન, ડેવલોપમેન્ટ, ઈમ્પલીમેન્ટેશન અને મેઈન્ટેનન્સ ઓફ સ્પેશીયલ ઈનેબલ વેબ પોર્ટલ યુઝીંગ લોકેશન બેઈઝ ઈન્ફોર્મેશન સીસ્ટમ અપડેટ વિથ ચેન્જ ડીટેકશનના કામ અંગે રૂા. 885.14 લાખ , જામનગર શહેર માં ખંભાળીયા રોડ પર હોટલ વિશાલ પાસે થી સત્યમ કોલોની અન્ડર બ્રિજને જોડતી હયાત કેનાલને આર.સી.સી. બોક્ષ કેનાલ બનાવવાના કામ અંગે રૂા. 392.77 લાખ, લાલપુર બાયપાસ જંકશન પાસે આવેલ સરદાર રિવેરા થી દડીયા ગામ (રણજીતસાગર) રોડ સુધી આસ્ફાલ્ટ પેચવર્ક / રી-કાર્પેટીંગ કરવાના કામ અંગે રૂા. 33.10 લાખ, શ્રી ગણેશ મહોત્સવ-2025 અન્વયે સરદાર રિવેરામાં આવેલ કોન્ટ્રીબ્યુશન લેન્ડમાં ફીલિંગ કરવાના કામ અંગે રૂા. 12.49 લાખના ખર્ચને મંજૂરી આપવામાં આવી હતી. જનરલ બોર્ડ ઠરાવ માં વોટર વર્કસ સબ ઈન્સ્પેકટરની મંજુર થયેલ જગ્યામાં વધારો કરવા અંગે કમિશ્નરની રજુ થયેલ દરખાસ્ત મંજૂર કરી ભલામણ સાથે જનરલ બોર્ડ મા મૂકવા નિર્ણય લેવાયો હતો.
આ ઉપરાંત અધ્યક્ષ સ્થાનેથી ચાર દરખાસ્ત રજૂ કરવામાં આવી હતી .જેમાં વોર્ડ નં. 9, દિપક ટોકીઝથી ચાંદી બજાર પોસ્ટ ઓફીસ તેમજ ચાંદી બજાર સર્કલ થઈને માંડવી ટાવર સુધી સી.સી. રોડ બનાવવાના કામ અંગે રૂા.401.64 લાખ , સીવીલ સાઉથ ઝોન (વોર્ડ નં. 15) વિસ્તારમાં ખાનગી સોસાયટીઓમાં, ગુજરાત હાઉસીંગ બોર્ડની વસાહતોમાં તથા અન્ય રહેણાંક વિસ્તારોમાં લોકભાગીદારીથી માળખાકીય સુવિધાઓની વિકાસની યોજના અંતર્ગત સી.સી. રોડ /સી.સી. બ્લોક (પેવર બ્લોક) ના કામ અંગે રૂા. 250 લાખ , સીવીલ સાઉથ ઝોન (વોર્ડ નં. 8) વિસ્તારમાં ખાનગી સોસાયટીઓમાં, ગુજરાત હાઉસીંગ બોર્ડની વસાહતોમાં તથા અન્ય રહેણાંક વિસ્તારોમાં લોકભાગીદારીથી માળખાકીય સુવિધાઓની વિકાસ ની યોજના અંતર્ગત સી.સી. રોડ /સી.સી. બ્લોક (પેવર બ્લોક) ના કામ અંગે રૂા. 250 લાખ અને જામનગર મહાનગરપાલિકા દ્વારા આયોજીત સાયકલોથોન ઈવેન્ટ રૂટ માં આસ્ફાલ્ટ પેચવર્ક / રી-કાર્પેટીંગ કરવાના કામ અંગે રૂા. 55.11 લાખ નું ખર્ચ માન્ય રાખવામાં આવ્યું હતું.
આમ આજની બેઠકમાં કુલ રૂા. 41 કરોડ 30 લાખ ના વિવિધ વિકાસ કામોને મંજૂરી આપવામાં આવી હતી.
