વડોદરા જિલ્લામા શહેરના પૂર્વ વિસ્તાર વાઘોડિયા- ડભોઇ રીંગરોડ પરના ઘાઘરેટીયામાં વિજય વાડી, કૃષ્ણનગર ઇન્દિરા નગરમાંથી પસાર થતી ખુલ્લી કાંસની દુર્ગંધ થી સ્થાનિક રહીશો ત્રાહિમામ પોકારી ઊઠ્યા છે. ખુલ્લી કાસના કારણે મચ્છરોના ભારે ઉપદ્રવથી આ વિસ્તારમાં મચ્છરજન્ય રોગચાળાના ભયથી સ્થાનિકોમાં ગભરાટ ફેલાયેલો છે તંત્ર દ્વારા આ કાંસ પર તાત્કાલિક ધોરણે સ્લેબ નાખીને સ્થાનિકોને ખુલ્લી કાંસના ત્રાસથી મુક્ત કરવા તંત્ર સમક્ષ માંગ કરાઇ હતી.
ઉલ્લેખનીય છે કે શહેરના પૂર્વ વિસ્તારમાં વાઘોડિયા-ડભોઇ રીંગરોડના ઘાઘરેટીયા વિસ્તારમાં વિજય વાડી, કૃષ્ણનગર, ઇન્દિરા નગર જેવી વસાહતો આવેલી છે. આ વિસ્તારમાંથી પસાર થતી કાંસ ખુલ્લી હાલતમાં છે. આ ખુલ્લી કાંસમાંથી ગટરના ગંદા પાણી સતત વહ્યાં કરે છે પરિણામે કાંસના રસ્તેથી પસાર થતા સ્થાનિકોને ભારે દુર્ગંધનો સામનો કરવો પડે છે. વસાહતના સ્થાનિકો કાંસમાં વહેતા ગટરના ગંદા પાણીથી આ વિસ્તારમાં મચ્છરોનો ભારે ત્રાસ કાયમી ધોરણે સ્થાનિકો સહન કરી રહ્યા છે. ઉપરાંત મચ્છરજન્ય રોગચાળાનો પણ સતત ભય પણ લોકોને સતાવી રહ્યો છે. તંત્ર સમક્ષ સ્થાનિકોની માંગ છે કે આ ખુલ્લી કાંસ પર તાત્કાલિક ધોરણે સ્લેબ ભરીને લોકોને આ ત્રાહિમામ ત્રાસથી વહેલી તકે મુક્ત કરવા યોગ્ય કાર્યવાહી કરવી જરૂરી છે.
