અમદાવાદ, બુધવાર
પૂર્વ વિસ્તારમાં સામાન્ય તકરારમાં છરી જેવા તિક્ષ્ણ હથિયારથી ખૂની હુમલાના બનાવો વધી રહ્યા છે. ખોખરામાં પત્ની સાથે વાત કરવા બાબતે ઠપકો આપતાં લોહીયાળ ચાર શખ્સોએ એક યુવકને પકડી રાખીને આડેધડ મંાથામાં છરીના ઘા માર્યા હતા તથા છોડાવવા વચ્ચે પડતાં યુવકના કાકાના દિકરાને પણ પેટમાં છરીના ઘા મારીને બન્ને યુવકો ઉપર જીવલેણ હુમલો કરીને આરોપીઓ નાસી ગયા હતા. ગંભીર રીતે ઘાયલ બન્ને ભાઇ હાલમાં સરકારી હોસ્પિટલમાં સારવાર હેઠળ છે. આ બનાવમાં ખોખરા પોલીસે એક જ પરિવારના ચાર લોકો સામે હત્યાની કોશિષનો ગુનો નોંધી વધુ તપાસ હાથ ધરી છે.
ખોખરામાં લોહીયાળ જંગ ઃ યુવકને પકડી રાખી આડેધડ માથામાં છરીના ઘા માર્યા, છોડાવવા જતાં કાકાના દિકરાને પેટમાં છરીના ઘા મારતા બન્ને સારવાર હેઠળ
ખોખરામાં રહેતા યુવકે ખોખરામાં ભાઇપુરા ખાતે રહેતા એકજ પરિવારના ચાર લોકો સામે ફરિયાદ નોંધાવી છે કે એક સપ્તાહ અગાઉ ફરિયાદી યુવકે આરોપીને ઠપકો આપ્યો હતો કે તું મારી પત્ની સાથે કેમ વાતચીત કરે છે, જેને લઇને ગઇકાલે ફરિથી તેના ઘરે જઇને યુવકે કહ્યું હતું કે તને ના પાડવા છતાં તે મારી પત્ની સાથે વાત કરે છે.
જેથી આરોપીઓ સાંજ ફરિયાદીના ઘરે આવ્યા હતા અને તું વારંવાર મારા ઘરે કહેવા આવે છે તેમ કહીને તું તારી પત્નીને સમજાવને મારી સાથે વાત કરે નહી તેમ કહીને ઉશ્કેરાઇને યુવકને માર મારવા લાગ્યા હતા એટલું જ નહી એક શખ્સે યુવકને પકડી રાખ્યો અને બીજાએ માથામાં છરીના ઘા મારીને યુવકનો લોહી લુહાણ કર્યો હતો આ સમયે યુવકના કાકાનો દિકરો છોડાવવા વચ્ચે પડતા તેને પણ પેટમાં છરીના ઘા મારીને બન્ને ભાઇ ઉપર જીવલેણ હુમલો કરીને આરોપીઓ નાસી ગયા હતા.
