હત્યારા પતિને પોલીસે પગમાં ગોળી મારી પકડયો, સાસુની પણ ધરપકડ
પતિ-સાસુએ મહિલાને ઢોર માર મારી બેભાન કરી કેરોસીન છાંટી સળગાવી મારી નાંખી : નોઇડામાં દહેજ હત્યાની ક્રૂર ઘટના
નોઇડા: દહેજમાં સ્કોર્પિયો, બુલેટ, સોના સહિતની અનેક કિમતી વસ્તુઓ લીધી હોવા છતા જીવ ના ધરાતા પત્ની પર પતિ, તેના સાસરીયાવાળા અત્યાચાર કરતા રહ્યા. અત્યાચાર એટલો વધી ગયો કે અંતે તમામ લોકોએ મળીને પત્નીને જીવતી સળગાવીને તેની હત્યા કરી નાખી. આ હત્યાકાંડને લઇને અનેક રાજ ખુલી રહ્યા છે એવામાં ફરાર પતિ વિપિન ભાટી ભાગવાનો પ્રયાસ કરી રહ્યો હતો ત્યારે પોલીસ એન્કાઉન્ટરમાં તેને પગમાં ગોળી વાગી હતી. અંતે પોલીસે મૃતક નિક્કીનો હત્યારો પતિ વિપિન ભાટી અને તેની સાસુની ધરપકડ કરી લીધી છે.
