Delhi Storm: દિલ્હીમાં 1 જૂનની સાંજે ભારે પવન અને ધૂળનું તોફાન આવ્યું હતું. ત્યારબાદ ભારે વરસાદ પણ થયો, જેને લઈને વાતાવરણમાં ઠંડક પ્રસરી હતી. આ વચ્ચે દિલ્હી એરપોર્ટ પર લેન્ડિંગ કરવા જઈ રહેલું વિમાન લેન્ડિંગ કરી શક્યું ન હતું અને તેને ફરી આકાશમાં જવું પડ્યું હતું. જેને લઈને મુસાફરોના જીવ તાળવે ચોંટ્યા હતા.
રાયપુરથી દિલ્હી આવી રહી હતી ફ્લાઈટ
રાયપુરથી દિલ્હી પહોંચેલી ઈન્ડિગોની ફ્લાઈટ 6E 6313 ધૂળની આંધીના કારણે ફસાઈ ગયું. લેન્ડિંગ કરવાનો પ્રયાસ કરી રહેલા વિમાનને ફરી આકાશમાં જવું પડ્યું, જેને લઈને મુસાફરોમાં હડકંપ મચી ગયો. ત્યારબાદ વિમાને હવામાં ચક્કર લગાવ્યા બાદ સુરક્ષિત રીતે દિલ્હી એરપોર્ટ પર લેન્ડિંગ કર્યું. જેનો એક વીડિયો પણ સામે આવ્યો છે.
વીડિયોમાં પાયલટ કહેતા સાંભળવા મળી રહ્યા છે કે, હવાની ગતિ 80 કિલોમીટર પ્રતિ કલાકની હતી, જેને લઈને વિમાનને લેન્ડ થવામાં મુશ્કેલી આવી. થોડીવાર બાદ વિમાન સુરક્ષિત લેન્ડ થઈ ગયું.
આ અંગે દિલ્હી એરપોર્ટ તંત્રને માહિતી મળતા જ તમામ ઇમરજન્સી સેવાઓને એલર્ટ કરી દેવાઈ હતી. પાયલોટે એર ટ્રાફિક કંટ્રોલર (ATC)ને પોતાની સ્થિતિ અંગે જાણ કરી, જ્યારબાદ ATCએ વિમાનને ફરી રનવે પર લેન્ડ કરાવ્યું.
