Delhi Car Blast Case Update : દિલ્હીમાં કાર વિસ્ફોટની તપાસમાં ચોંકાવનારો ખુલાસો થયો છે, જેના પગલે દિલ્હી પોલીસે સમગ્ર રાજધાનીમાં હાઈએલર્ટ જાહેર કર્યું છે. પોલીસે એક લાલ રંગની ફોર્ડની EcoSport કારની શોધખોળ શરૂ કરી છે. આ કારનું રજિસ્ટ્રેશન નંબર DL10CK0458 છે અને તે ઉમર નામના વ્યક્તિના નામે નોંધાયેલી છે. તપાસમાં સામે આવ્યું છે કે, બોમ્બ વિસ્ફોટમાં વપરાયેલી સફેદ કલરની I20 કાર ઉપરાંત શંકાસ્પદો સાથે એક લાલ રંગની ઈકોસ્પોર્ટ કાર પણ હતી.
ઉત્તર પ્રદેશ અને હરિયાણામાં પણ એલર્ટ
દિલ્હી પોલીસની પાંચ ટીમોએ શંકાસ્પદ લાલ કારની શોધખોળ શરૂ કરી દીધી છે. દિલ્હીના તમામ પોલીસ સ્ટેશનો, પોલીસ પોસ્ટ અને બોર્ડર ચેકપોઈન્ટ્સ પર આ લાલ રંગની કારને શોધવા માટે એલર્ટ અપાયું છે. આ ઉપરાંત ઉત્તર પ્રદેશ અને હરિયાણા પોલીસને પણ લાલ કાર અંગે એલર્ટ મોકલાયું છે. જોકે પોલીસે તપાસ કરી છે કે, સફેદ કાર સાથે આ લાલ કાર ક્યાંય જોવા મળી નથી છતાં સાવચેતીના ભાગરૂપે તેની શોધખોળ કરવામાં આવી રહી છે.
Delhi car blast case | All police stations, police posts, and border checkpoints in Delhi have been alerted to look out and search for a red colour Ford Eco Sport car, following investigation which revealed that the suspects had another car in addition to the Hyundai i20. Five…
— ANI (@ANI) November 12, 2025
ઝડપાયેલા ડૉક્ટરો અંગે અલ ફલાહ યુનિવર્સિટીનું મોટું નિવેદન
બીજી તરફ આ કેસમાં અલ ફલાહ યુનિવર્સિટીનો ઉલ્લેખ થયો છે, ત્યારે યુનિવર્સિટીના કુલપતિ ભૂપિન્દર કૌર આનંદે દુઃખ વ્યક્ત કરતા સ્પષ્ટતા કરી છે કે, વિસ્ફોટના કેસમાં પકડાયેલા બે ડોક્ટરો અને અન્ય મુખ્ય શંકાસ્પદો સાથે યુનિવર્સિટીનો કોઈ સંબંધ નથી, સિવાય કે આ લોકો સત્તાવાર ક્ષમતામાં યુનિવર્સિટીમાં કામ કરતા હતા.
આ પણ વાંચો : ભુતાનથી પાછા આવી PM મોદી દિલ્હી કાર બ્લાસ્ટના પીડિતોને મળવા LNJP હૉસ્પિટલ પહોંચ્યા
દિલ્હી બ્લાસ્ટમાં 12ના મોત
ઉલ્લેખનીય છે કે, દિલ્હીના લાલ કિલ્લા મેટ્રો સ્ટેશન-1 પાસે 10 નવેમ્બરે કારમાં શક્તિશાળી વિસ્ફોટ થયો હતો. આ દરમિયાન કારની આસપાસના અનેક વાહનો વિસ્ફોટ અને આગની ઝપેટમાં આવી ગયા હતા. ઘટનામાં અત્યાર સુધીમાં 12 લોકોના મોત થયા છે અને અનેક લોકો ઈજાગ્રસ્ત થયા છે. બ્લાસ્ટ એટલો ભયાનક હતો કે, આસપાસની બિલ્ડિંગો અને મંદિરોના કાર પણ તૂટી ગયા હતા. એટલું જ નહીં વિસ્ફોટમાં એક વ્યક્તિ છેક વૃક્ષ પર પડ્યો હતો. તપાસ એજન્સીઓની નજર પડતા યુવક મૃત હાલતમાં વૃક્ષ પર લટકેલો જોવા મળ્યો હતો.
આ પણ વાંચો : દિલ્હી બ્લાસ્ટ મામલે તૂર્કિયે કનેક્શન! ઉમર અને મુજમ્મિલે લીધી હતી મુલાકાત, ટેલિગ્રામ પર જોડાયા હતા
