વડોદરાઃ ધ્વનિ પ્રદૂષણ કરતા હોય તેવા મોટર સાઇકલના મોડીફાઇડ કરેલા સાયલન્સર પર આજે બૂલડોઝર ફેરવી દેવામાં આવ્યું હતું.
શહેરની ટ્રાફિક પોલીસ દ્વારા અગાઉ ધ્વનિ પ્રદૂષણ ફેલાવતા હોય તેવા વાહનોને મેમો આપી દંડ વસૂલ કરવામાં આવતો હતો.પરંતુ તેની ધારી અસર નહિ થતાં આવા વાહનોના સાયલન્સર કબજે લઇને કોર્ટના ઓર્ડર બાદ તેનો નાશ કરવામાં આવી રહ્યા છે.
વડોદરા પોલીસે અગાઉ ચાર વખત કુલ ૩૯૮ સાયલન્સરનો નાશ કર્યા બાદ આજે પોલીસ કમિશનરની હાજરીમાં ટ્રાફિક શાખાની બહાર બીજા ૧૦૮ મોડીફાઇડ સાયલન્સરનો નાશ કરવામાં આવ્યો હતો.
