– હારજીતનો જુગાર રમતા હતા
– પોલીસે જુગારનું સાહિત્ય, રોકડ રકમ સહિતની મત્તા જપ્ત કરીને ગુનો નોંધ્યો
નડિયાદ : નડિયાદ પશ્ચિમ પોલીસે રવિવારે સાંજે માય મંદિર નજીક ખુલ્લી જગ્યામાં પત્તા પાનાનો જુગાર રમતા ચાર શખ્સોને જુગારનું સાહિત્ય તેમજ રોકડ રૂપિયા ૧૭૦૦ સાથે ઝડપી પાડયા હતા. આ બનાવ અંગે નડિયાદ પશ્ચિમ પોલીસે ગુનો નોંધી વધુ કાર્યવાહી હાથ ધરી હતી.
નડિયાદ પશ્ચિમ પોલીસ રવિવારે સાંજે પેટ્રોલિંગમાં નીકળી હતી. આ દરમિયાન બાતમી મળી હતી કે, નડિયાદ માય મંદિર પાછળ ખુલ્લી જગ્યામાં કેટલાક લોકો પોતાના ફાયદા માટે પત્તા પાનાનો હાર જીતનો જુગાર રમી રહ્યા છે. જેથી પોલીસે રેડ પાડતા જુગાર રમતા શખ્સો ચિરાગ ઉર્ફે સંજય ગણપતસિંહ યાદવ, અજયભાઇ ઉર્ફે કાળીયો કનુભાઇ વાઘેલા, લક્ષ્મણભાઇ ઉર્ફે લખો શંકરભાઈ ડાભી તેમજ જીજ્ઞોશભાઇ ઉર્ફે ભુરીયો નટુભાઈ તળપદા જુગાર રમવાનું સાહિત્ય તેમજ રોકડ રૂ.૧,૭૦૦ સાથે મળી આવ્યા હતા. આ બનાવ અંગે નડિયાદ પશ્ચિમ પોલીસે જુગાર ધારા હેઠળ ગુનો નોંધી વધુ કાર્યવાહી હાથ ધરી હતી.
