મુંબઈ : વિશ્વમાં ફરી શાંતી સ્થાપવામાં પોતાની ભૂમિકા હોવાનો યશ લઈને નોબલ પારિતોષિક માટે પોતે હકદાર હોવાનો દાવો કરનારા અમેરિકી રાષ્ટ્રપ્રમુખ ડોનાલ્ડ ટ્રમ્પનો આ દાવ ઉંધો વળતાં ફરી વિશ્વને અનિશ્ચિતતા સાથે ટ્રેડ વોરમાં ધકેલવાની ગુસ્તાખી કરીને વૈશ્વિક અર્થતંત્ર અને વૈશ્વિક બજારોને ચગડોળે ચઢાવ્યા છે. માંડ માંડ વિશ્વના વેપાર પટરી પર આવવાની તૈયારીમાં હતો ત્યાં ફરી ચાઈના પર ૧૦૦ ટકા ટેરિફનો બોમ્બ ફોડીને ચાઈના-અમેરિકા ટ્રેડ વોરના મંડાણ કર્યા છે. આ નેગેટીવ ડેવલપમેન્ટે અમેરિકી શેર બજારોમાં સપ્તાહના અંતે બ્લેક ફ્રાઈડે બન્યો છે. ડાઉ જોન્સમાં ૮૭૮ પોઈન્ટ અને નાસ્દાકમાં ૮૨૦ પોઈન્ટનો કડાકો બોલાઈ ગયો છે. વિશ્વને અનિશ્ચિતતાની ગર્તામાં ધકેલીને ટ્રમ્પે ક્રુડ ઓઈલના આંતરરાષ્ટ્રીય ભાવોમાં પણ કડાકો બોલાવી દીધો છે. વિશ્વના ફાઈનાન્શિયલ માર્કેટમાં મોટી ઉથલપાથલ સર્જનારા આ ડેવલપમેન્ટની ભારતીય શેર બજારોમાં અસર આગામી સપ્તાહમાં ખુલતા બજારે જોવાશે એ નક્કી છે. ગિફ્ટ નિફટીમાં ૨૦૦ પોઈન્ટ જેટલા પ્રવર્તમાન કડાકાને જોતાં બજારમાં ખુલતા બજારે સોમવારે ખાનાખરાબી નક્કી મનાઈ રહી છે. અલબત ફોરેન ફંડોની પ્રમાણમાં સુરક્ષિત ભારતીય બજારોમાં રોકાણ વૃદ્વિના સંજોગોમાં અને સ્થાનિક ફંડોના રોકાણ પ્રવાહનો બજારને ઘટાડે ટેકો સાંપડતો રહેવાની સ્થિતિમાં બજાર આંચકા પચાવીને ફરી સુધારાના પંથે સવાર થઈઈ શકે છે. વૈશ્વિક પરિબળો પર નજર અને કોર્પોરેટ પરિણામોની સીઝનના આગામી નવા સપ્તાહમાં નિફટી સ્પોટ ૨૫૬૬૬થી ૨૫૦૬૬ વચ્ચે અને સેન્સેક્સ ૮૩૭૭૭થી ૮૧૬૬૬ વચ્ચે અથડાતાં જોવાઈ શકે છે.
અર્જુનની આંખે : WOCKHARDT LTD.
એનએસઈ (WOCKPHARMA), બીએસઈ(૫૩૨૩૦૦) લિસ્ટેડ, રૂ.૫ પેઈડ-અપ, વોક્હાર્ટ લિમિટેડ(WOCKHARDT LIMITED) ફાઈનાન્શિયલ્સને બે નવા આવિષ્કાર-સંશોધનોએન્ટિબાયોટિક ZAYNICH(ઝાયનીચ)અને MIQNAF(મિકનાફ)ને કારણે સારો નફો થવાની અપેક્ષા છે.
આ બે દવાઓનું ૨૦૨૫ના બીજા ભાગમાં ૨૦૨૬માં સારા વોલ્યુમ અને ૨૦૨૬-૨૭માં શ્રેષ્ઠ કામગીરીની અપેક્ષા છે.
પ્રથમ ઝાયનિચ : વોક્હાર્ટે ૧, ઓકટોબર ૨૦૨૫ના રોજ યુ.એસ. ફૂડ એન્ડ ડ્રગ એડમિનિસ્ટ્રેશન (યુ.એસ. એફડીએ)ને તેના નવા બેક્ટેરિયલ એજન્ટ ઝિડેબેક્ટમ-સેફેપીમ ઈન્જેકશન (ડબલ્યુસીકે ૫૨૨૨ ઝાયનિચ ટ્રેડમાર્ક) માટે ન્યુ ડ્રગ એપ્લિકેશન (એનડીએ) સબમિટ કરવાની જાહેરાત કરી છે. એનડીએ મુલ ડ્રગ રેઝિસ્ટન્ટ સહિત ગ્રામ-નેગેટીવ બેક્ટેરિયા દ્વારા અથવા એના વગર, પાયલોનેફ્રીટીસ સહિત ગંભીર પેશાબની નળીઓના વિસ્તાર ચેપ-કોમ્પિકેટેડ યુરિનરી ટ્રેક ઈન્ફેકશન્સ (સી યુટીઆઈ)ની ટ્રીટમેન્ટ માટે મંજૂરી માગી છે. યુ.એસ. અને ઈયુમાં, દર વર્ષે ૮૦ લાખથી વધુ યુટીઆઈ કેસ નોંધાય છે, જે ગ્રામ નેગેટિવ ચેપના વૈશ્વિક ભારણને પ્રતિબિંબિત કરે છે.
આ સિમાચિહ્નરૂપ ઘટના ભારતીય ફાર્માસ્યુટિકલ કંપની દ્વારા સંપૂર્ણ રીતે શોધાયેલ અને વિક્સિત દવા માટે યુ.એસ. એફડીએ સમક્ષ પ્રથમ વખત એનડીએ સબમિશન છે, જે ભારતીય નવીનતા માટે એક મહત્વપૂર્ણ સિદ્વિ છે.
બીજુ મિકનાફ : વોક્હાર્ટે ૨૫, સપ્ટેમ્બર ૨૦૨૫ના રોજ ધ લેન્સેટની જાહેરાત કરી પ્રાદેશિક આરોગ્ય દક્ષિણપૂર્વ એશિયા, એક વૈશ્વિક સ્તરે આદરણીય અને પીઅર સમીક્ષા કરાયેલ જર્નલ, સમુદાય-હસ્તગત બેક્ટેરિયલ ન્યુમોનિયા (સીએબીપી)ની સારવાર માટે મિકનાફ (નેપીથ્રોમાઈસીન)ના મુખ્ય તબક્કા ૩ ક્લિનિકલ અભ્યાસના સંપૂર્ણ પરિણામો પ્રકાશિત કર્યા છે. આ ભારતમાં શોધાયેલ અને વિક્સિત નવી દવા માટે લેનસેટ જર્નલમાં પ્રથમ પ્રકાશન છે, જે આ વૈજ્ઞાાનિક કઠોરતાને રેખાંકિત કરે છે.
મિકનાફ એ ત્રણ દાયકાથી વધુ સમયમાં પ્રથમ નવી મેક્રોલાઈડ એન્ટિબાયોટિક છે, જે ભારતમાં શોધાયેલ, વિક્સિત અને લોન્ચ કરવામાં આવી છે, જે મલ્ટિ-ડ્રગ પ્રતિરોધક સીએબીપીના વધતા પડકારને સંબોધવા માટે રચાયેલ છે. તે દરરોજ એક વખત અનુકૂળ, ત્રણ દિવસની ઓરલ ટ્રીટમેન્ટ પદ્વતિ, પાલન સુધારવા, હોસ્પિટલમાં દાખલ થવાનો સમય ઘટાડવા અને દર્દીના પરિણામો વધારવા તરફ એક મહત્વપૂર્ણ પગલું પ્રદાન કરે છે.
નવેમ્બર ૨૦૨૪માં કંપનીના આ બે ઈન્નોવેશન-સંશોધનોના આધાર પર પ્રતિષ્ઠિત ફંડો દ્વારા શેર દીઠ રૂ.૧૧૦૫ ભાવે ૯૦,૪૯,૦૦૦ શેરો ક્યુઆઈબીમાં ખરીદાયા હતા. જેમાં ટાટા મ્યુચ્યુઅલ ફંડે ૧૭ ટકા, એચડીએફસી લાર્જ એન્ડ મિડ કેપ ફંડે ૧૭ ટકા, બંધન બેલેન્સ એડવાન્ટેજ ફંડે ૧૨ ટકા, એસબીઆઈ જનરલ ઈન્સ્યોરન્સ કંપનીએ ૮ ટકા, આઈટીઆઈ મ્યુચ્યુઅલ ફંડે ૭ ટકા, ઈન્વેસ્કો ઈન્ડિયા ફંડે ૭ ટકા, આઈસીઆઈસીઆઈ પ્રુડેન્શિયલે ૫ ટકા અને ૨૭ ટકા અન્યોનો સમાવેશ છે.
વોક્હાર્ટ હોસ્પિટલ્સ પાંચ સુપર-સ્પેશ્યાલિટી હોસ્પિટલોની અગ્રણી શૃંખલા છે, જેમાં મુંબઈ અને નાગપુરમાં બે અને રાજકોટમાં એક છે, જે આંતરિક મેડિસિન, પેડિયાટ્રિક્સ, પેડિયાટ્રિક સર્જરી, જનરલ અને બેરિયાટ્રિક સર્જરી, ગેસ્ટ્રોએન્ટેરોલોજી, ઓન્કોલોજી, ઓર્થોપેડિક્સ વગેરે સહિત વિવિધ સુપર-સ્પેશ્યાલિટી ક્ષેત્રોમાં સેવાઓની શ્રેણી પ્રદાન કરે છે. વોક્હાર્ટ એક સંશોધન આધારિત વૈશ્વિક ફાર્માસ્યુટિકલ અને બાયોટેક કંપની છે. ૨૭ વર્ષથી વધુ સમયથી, વોક્હાર્ટ બાયોટિક નવીનતામાં મોખરે છે, જે દવા શોધના પ્રયાસોને મલ્ટિ-ડ્રગ પ્રતિરોધક ચેપ સામે લડવા પર કેન્દ્રિત છે. આ પ્રતિબદ્વતાના પરિણામે ક્લિનિકલ ડેવલપમેન્ટ અને કમર્શિયલાઈઝેશનના વિવિધ તબક્કામાં ૬ અને બાયોકોલોજીની પાઈપલાઈન બની છે.- તેમાંથી ૩ ગ્રામ નેગેટિવ અને ૩ ગ્રામ પોઝિટીવ છે, જે સારવાર ન કરી શકાય તેવા સુપરબગ્સ સામે અસરકારક છે. તમામ ૬ એન્ટિબોટિક્સને યુ.એસ. એફડીએ દ્વારા ક્વોલિફાઈડ ઈન્ફેક્શિયસ ડિસીઝ પ્રોડક્ટ(ક્યુઆઈડીપી) તરીકે માન્ય કરાઈ છે. જેમાંથી ત્રણ નવી એન્ટિબાયોટિક્સ ક્લિનિકલ ઉપયોગ માટે પહેલાથી જ મંજૂર છે, જ્યારે બે વધુ ડેવલપમેન્ટના અંતિમ તબક્કામાં છે. તેમાં એક કોમ્પ્રિહેન્સિવ ડ્રગ ડિસ્કવરી ટીમ અને ક્લિનિકલ ઓર્ગેનાઈઝેશન છે.
વોક્હાર્ટ લગભગ ૨૯૦૦ લોકો અને યુ.કે., આર્યલેન્ડ, સ્વિટ્ઝરલેન્ડ, ફ્રાંસ, મેક્સિકો, રશીયા અને વિકાસશીલ બજારોમાં અસ્તિત્વ સાથે ૨૭ રાષ્ટ્રીયત ધરાવતો લોકોને રોજગારી પૂરી પાડે છે. જેની ભારત અને યુ.કે.માં મેન્યુફેકચરીંગ અને રિસર્ચ સુવિધાઓ અને આર્યલેન્ડમાં મેન્યુફેકચરીંગ સુવિધા છે. વોક્હાર્ટ યુરોપ અને ભારતમાં નોંધપાત્ર હાજરી ધરાવે છે, જેની વૈશ્વિક આવકનો ૭૭ ટકા હિસ્સો આંતરરાષ્ટ્રીય બિઝનેસોમાંથી આવે છે. કંપની યુ.કે.માં ટોચની ત્રણ ભારતીય જેનેરિક કંપનીઓમાંની એક છે અને આર્યલેન્ડમાં રિટેલ અને હોસ્પિટલ ચેનલોમાં ૬ઠ્ઠી સૌથી મોટી જેનેરિક સપ્લાયર છે. જે ભારતમાં નંબર ૧ મેથિકોબાલમિન બ્રાન્ડ છે. કંપની એક વૈશ્વિક રિસર્ચ કેન્દ્રિત ફાર્માસ્યુટિકલ અને બાયોટેક કંપની છે, જે ફિનિશ્ડ ડોઝ, બાયોફાર્માસ્યુટિકલ્સ, એપીઆઈ અને વેક્સિન્સના ડેવલપમેન્ટ, ઉત્પાદન અને માર્કેટિંગમાં નિષ્ણાંત છે. કંપનીની ક્ષમતાઓમાં ઈન્જેક્ટેબલ, બાયોફાર્માસ્યુટિકલ્સ, ઓરલ ફોર્મ્યુલેશન, ટોપિકલ અને વધુ ઉત્પાદન સામેલ છે. કંપની તેના બાયોસિમિલર પ્રોગ્રામને ડાયાબિટીસ પ્રતિરોધક પર ફોક્સ કરે છે. થાઈલેન્ડ, અલ્જેરિયા, લેટિન અમેરિકા અને ભારત જેવા મુખ્ય બજારોમાં વોલ્યુમમાં વધારો થવાને કારણે નાણા વર્ષ ૨૦૨૫ના પ્રથમ છમાસિકમાં આ વર્ટિકલ ૪૬ ટકા વાર્ષિક ધોરણે વૃદ્વિ નોંધાવી છે, જે આગામી કેટલાક ત્રિમાસિકમાં ઈન્સ્યુલિન એનાલોગ લોન્ચ કરવાની અને રશિયા, મલેશિયા, બ્રાઝિલ અને સાઉદી અરેબિયા સહિતના નવા બજારોમાં તેની હાજરી વિસ્તૃત કરવાની યોજના ધરાવે છે. કંપની ભારત, યુ.કે., આર્યલેન્ડ અને દુબઈમાં ૧૨ મેન્યુફેકચરીંગ સુવિધા ધરાવે છે.
રિસર્ચ એન્ડ ડેવલપમેન્ટ : કંપની બે આર એન્ડ ડી કેન્દ્રો ચલાવે છે, એક ભારતમાં અને બીજું યુ.કે.માં છે. ૩૫૦થી વધુ વૈજ્ઞાાનિકોની ટીમ અને ૧૩૨ સહયોગીઓ ધરાવતી ડ્રગ ડિસ્કવરી ટીમ ધરાવે છે. જેણે ૩૨૬૪ પેટન્ટ ફાઈલ કર્યા છે, જેમાંથી ૮૪૩ મંજૂર કરવામાં આવ્યા છે. નાણા વર્ષ ૨૦૨૫ના પ્રથમ છમાસિકમાં કંપનીએ તેની આવકના ૩.૫ ટકા રિસર્ચ એન્ડ ડેવલપમેન્ટ (આર એન્ડ ડી)માં રોકાણ કર્યું છે.
રિસ્ટ્રકચરીંગ : કંપની તેના ઈલિનોઈસ સુવિધા બંધ કરીને અને કોન્ટ્રાક્ટ મેન્યુફેકચરીંગ તરફ સ્થળાંતર કરવામાં આવી રહ્યું છે, જેના પરિણામે ખર્ચમાં ૧૨૦ લાખ ડોલરની બચત થશે. યુ.એસ. એફડીએ તરફથી યુ.એસ.માં ૬ એન્ટિઈન્ફેક્ટિવ દવાઓ : ડબલ્યુસીકે ૭૭૧, ડબલ્યુસીકે ૨૩૪૯, ડબલ્યુસીકે ૪૮૭૩, ડબલ્યુસીકે ૫૨૨૨, ડબલ્યુસીકે ૬૭૭૭ અને ડબલ્યુસીકે ૪૨૮૨ માટે ક્યુઆઈડીપી દરજ્જો મેળવનાર કંપની વૈશ્વિક સ્તરે એકમાત્ર છે. જે યુ.એસ.માં ઝડપી મંજૂરીઓ સુનિશ્ચિત કરે છે. કંપનીની નોવેલ-નવતર એનસીઈઈ, એમરોક (ઓ)એ ભારતમાં ૬૫,૦૦૦થી વધુ દર્દીઓની સારવાર કરી છે, જેમાં ૯ ઊભરતા બજારો માટે નિયમનકારી ફાઈલિંગ પૂર્ણ થઈ છે. ન્યુમોનિયામાં ડબલ્યુસીકે ૪૮૭૩ (મિકનાફ) માટે ત્રીજા તબક્કાના ટ્રાયલ પૂર્ણ થયા છે. જ્યારેડબલ્યુસીકે ૫૨૨૨ (ઝાયનિચ) માટે વૈશ્વિક ત્રીજા તબક્કાના અભ્યાસ ૯ દશોમાં પ્રગતિ કરી રહ્યા છે, જે નાણા વર્ષ ૨૦૨૫ સુધીમાં પૂર્ણ થવાની અપેક્ષા છે. વધુમાં, બહારના દર્દીઓની સારવાર માટે રચાયેલ ડબલ્યુસીકે ૬૭૭૭ એ યુ.એસ. એનઆઈએચ સાથે પ્રથમ તબક્કાના ટ્રાયલ પૂર્ણ કર્યા છે. ૮,૯, ૧૦ જાન્યુઆરી ૨૦૨૫માં ઝાયનિચ (ઝિડેબેક્ટમ/સેફેપીમ, ડબલ્યુસીકે ૫૨૨૨) એ પેશાબના માર્ગના જટિલ ચેપમાં વૈશ્વિક મુખ્ય, નોંધણી સક્ષમ ત્રીજા તબક્કાનો અભ્યાસ પૂર્ણ કર્યો અને યુ.એસ. એફડીએ અને ઈએમએમાં મેરોપેનેમની તુલનામાં શ્રેષ્ઠતા દર્શાવી છે.
કોન્સોલિડેટેડ નાણાકીય પરિણામ :
(૧) પૂર્ણ વર્ષ એપ્રિલ ૨૦૨૪થી માર્ચ ૨૦૨૫ :
ચોખ્ખી આવકરૂ.૩૦૧૨ કરોડ મેળવીને ચોખ્ખો નફો રૂ.૫૭ કરોડ નોંધાવી શેર દીઠ આવક-ઈપીએસ નેગેટીવ રૂ.૩.૦૨ નોંધાવી હતી
(૨) પ્રથમ ત્રિમાસિક એપ્રિલ ૨૦૨૫થી જૂન ૨૦૨૫ :
ચોખ્ખી આવક રૂ.૭૫૮ કરોડ મેળવીને ચોખ્ખી ખોટ રૂ.૧૦૮ કરોડ નોંધાવી શેર દીઠ આવક-ઈપીએસ નેગેટીવ રૂ.૫.૫૩ નોંધાવી હતી.
આમ(૧) લેખક ઉપરોકત કંપનીના શેરમાં કોઈ રોકાણ ધરાવતા નથી. લેખકના રીસર્ચ માટેના સ્ત્રોતોનું અંગત પ્રત્યક્ષ કે પરોક્ષ હિત-રોકાણ હોઈ શકે છે. કોઈપણ રોકાણ નિર્ણય લેતાં પહેલા ક્વોલિફાઈડ ઈન્વેસ્ટમેન્ટ ફાઈનાન્શિયલ એડવાઈઝરની સલાહ લેવી. રોકાણ પર સંભવિત કોઈ નુકશાની માટે લેખક, ગુજરાત સમાચાર કે અન્ય કોઈપણ વ્યક્તિ જવાબદાર રહેશે નહીં.(૨) વોક્હાર્ટ લિમિટેડને ફાઈનાન્શિયલ્સમાં બે એન્ટિબાયોટિક્સ-ઝાયનિક અને મિકનાફના નવા સંશોધનોને કારણે મોટો નફો થવાની અપેક્ષા અને આ બે મેડીસિન્સને ૨૦૨૫-૨૬ના બીજા છમાસિકમાં સારા વેચાણ અને વર્ષ ૨૦૨૬-૨૭માં શ્રેષ્ઠ વળતરની અપેક્ષા છે, જે કંપનીનો શેર અત્યારે રૂ.૧૪૧૯ ભાવે ટ્રેડ થઈ રહ્યો છે.
