દિવાળીપુરા કોર્ટ ખાતે જિલ્લા કાનૂની સેવા સત્તા મંડળ, વડોદરા દ્વારા સમગ્ર જિલ્લામાં આજે ચોથી મેગા નેશનલ લોક અદાલતનું આયોજન કરવામાં આવ્યું હતું. આ લોક અદાલતમાં કુલ રૂ. ૧,૧૨,૩૭,૮૨,૯૪૯ની રકમનું સેટલમેન્ટ કરવામાં આવ્યું હોવાનું જિલ્લા કાનૂની સેવા સત્તા મંડળ, વડોદરા દ્વારા જાહેર કરવામાં આવ્યું છે.
એડી. ચીફ જ્યુડિશિયલ મેજિસ્ટ્રેટની કોર્ટમાં નિગોશિએબલ ઇન્સ્ટ્રુમેન્ટ એક્ટ હેઠળ ચેક બાઉન્સના એક કેસમાં રૂ. ૧.૫૦ કરોડની રકમનું સમાધાન કરવામાં આવ્યું હતું. અકસ્માતના એક કેસમાં રૂ. ૪૫ લાખ તેમજ અન્ય બે કેસોમાં અનુક્રમે રૂ. ૩૯ લાખ અને રૂ. ૨૯. ૫૧ લાખમાં સમાધાન થયું હતું. આ ઉપરાંત કુલ ૧૨૧ એમ.એ.સી.પી. (મોટર એક્સિડેન્ટ ક્લેઈમ પીટીશન) દાવા લોક અદાલતમાં સમાધાનથી પૂર્ણ થયા હતા.
ફેમિલી કોર્ટના એક કેસમાં દંપતી વચ્ચે ચાલતી તકરારમાં પતિને ભરણપોષણની રકમના કારણે જેલની સજા ભોગવવી પડી હતી. નામદાર કોર્ટના સમાધાનકારી પ્રયત્રોથી પતિ-પતિએ પોતાની દીકરીના ભવિષ્યને ધ્યાનમાં રાખી સમાધાન કર્યું હતું. ફેમિલી કાર્ટના ઘરેલુ તકરારના કુલ ૧૬૭ કેસો પણ સમાધાનથી પૂર્ણ થયા હતા.
લોક અદાલતમાં કુલ ૭૮,૬૧૭ કેસો રજૂ કરવામાં આવ્યા હતા, જેમાંથી અકસ્માતના ૧૨૧ કેસો તથા એન.આઈ. એક્ટના ૩,૬૩૦ કેસો સહિત કુલ ૪,૯૧૪ કેસોનો નિકાલ થયો હતો. ઉપરાંત, સ્પેશ્યલ સિટિંગના ૭૧, ૪૭૩ કેસો મળી વડોદરા જિલ્લાના પેન્ડિંગ કેસોમાંથી કુલ ૭૯,૦૮૭ કેસોનો નિકાલ કરવામાં આવ્યોછે.
આ ઉપરાંત કોર્ટમાં હજુ દાખલ ન થયેલા પ્રિ-લિટિગેશન કેસો જેમ કે બેન્ક લોન બાકી, ગેસ બિલ, વીજ બિલ ચૂકવણી તથા ટ્રાફિક ચલણના કુલ ૫૫,૯૨૧ કેસોમાં પણ સમાધાન થયું
