Vadodara Traffic Jam : વડોદરાના ટ્રાફિકથી ધમધમતા ખંડેરાવ માર્કેટ પાછળ ગમે ત્યારે નો એન્ટ્રી હોવા છતાં ફળફળાદી અને શાકભાજી ભરેલી ટ્રકો માલ સામાન ઉતારવા આવી જાય છે. ત્યારે અવર-જવર કરતા વાહનચાલકોને ભારે મુશ્કેલીનો સામનો કરવો પડે છે.
ત્યારે આ વિસ્તારમાંથી પાલિકાની દબાણ શાખાએ વાહન વ્યવહારથી આ રસ્તો ખુલ્લો કરાવી રોડ રસ્તા પર ફ્રુટ ભરેલી ક્રેટો ફૂટપાથ પર મૂકીને દબાણ કરી દેતા સવારે ત્રાટકેલી દબાણ શાખાએ આ વિસ્તારમાંથી પ્લાસ્ટિકની કેટલીક ક્રેટો સહિત વિવિધ માલ સામાન કબજે કરી એક ટ્રક જેટલો જપ્ત કર્યો હતો. આવી જ રીતે કમાટીબાગ કાલાઘોડા સર્કલથી નરહરી સર્કલ સુધીના વિસ્તારમાં વિવિધ જગ્યાએ ફૂટપાથ પર કરેલા લારી ગલ્લા પથારાના દબાણો દૂર કરી “વન ડે વન રોડ” અંતર્ગત કાર્યવાહી કરી હતી.
