Vadodara Crime : વડોદરાના ગોત્રી વિસ્તારમાં પતિ અને સાસરીયાએ પત્ની અને બાળક ઉપર હુમલો કરતા પોલીસે ત્રણ જણા સામે ગુનો દાખલ કર્યો છે.
મહિલાએ પોલીસને કહ્યું છે કે, છેલ્લા પાંચ મહિનાથી મારા પતિ મારી સાથે રહેતા નથી અને તેમની માતાને બહેન સાથે રહે છે. હું જ્યાં રહું છું તે મકાનનું ભાડું નહીં ચૂકવતા મકાન માલિકે તાળું મારી દીધું છે. જેથી હું બાળકને લઈને ગોત્રી ખાતે મારી સાસરીમાં ગઈ હતી.
આ વખતે મારા પતિ રવિ પરમારે કહ્યું હતું કે, તું અહીં એમ આવી છે. તારે અહીં આવવું નહીં. જેથી મેં કહ્યું હતું કે, તમે ભાડા ના પૈસા આપતા નથી એટલે અહીં રહેવા આવી છું.
જેથી ઉશ્કેરાઈ ગયેલા પતિએ મારું માથું દીવાલ સાથે પછાડી ધક્કો માર્યો હતો. નણંદે પણ મને ગરદનની નીચેના ભાગે પ્લાસ્ટિકની પાઇપ મારી હતી અને મારા બાળકને ઊંચકીને અથાડ્યો હતો. મારા ભાઈઓ અને પોલીસ આવી જતા અમારો બચાવ થયો હતો. પોલીસે પતિ, નણંદ અને સાસુ સામે દાખલ કર્યો છે.
