અમદાવાદ, બુધવાર
પૂર્વ વિસ્તારમાં ગઠિયા લોકો પાસેથી રૃપિયા અને કિંમતી સામાન પડાવવા અવ નવા અખતરા કરી રહ્યા છે.નરોેડામાં સરનામું પૂછવાના બહાને કારના ડ્રાઇવરે દંપિતને ઉભા રાખ્યા હતા ત્યારબાદ કારમાં બેઠેલા નાગા બાવાએ મહિલાના માથે હાથ મૂકીને મોબાઇલ તથા ઘડિયાળ અને સોનાની વિંટી લીધા પછી પાછી આપી હતી જ્યારે રૃા. ૧.૯૦ લાખની મતાની બીજી સોનીની વિંટી અને રૃદ્વાક્ષની સોનાથી મઢેલી માળા લઇેને નાગો બાવો કારમાં ભાગી ગયો હતો. આ બનાવ અંગે નરોડા પોલીસે ગુનો નોંધી સીસીટીવી ફૂટેજ આધારે વધુ તપાસ હાથ ધરી છે.
દંપતિ દિકરીના ઘરે જતા હતા ઉભા રાખીને વિંટી અને રુદ્વાક્ષની માળા લઇને આગળ આવો કહીને નાગા બાવો કારમાં ભાગી ગયો
નવા વાડજમાં રહેતા આધેડે નરોડા પોલીસ સ્ટેશનમાં અજાણા નાગા બાવો અને કારનો ડ્રાઇવર સામે ફરિયાદ નોંધાવી છે કે ફરિયાદી અને તેમના પત્ની તા. ૨૯-૦૪-૨૦૨૬ના રોજ એક્ટિવા લઇને નાના ચિલોડા ખાતે રહેતી દિકરીના ઘરે જતા હતા આ સમયે નરોડા ન્યું શાહીબાગ મંગુબાના ફાર્મ આગળ એક કાર ચાલકે તેમને રોકીને ગાંધીનગર અક્ષરધામ જવા માટે સરનામું પૂછ્યું હતું. ત્યારબાદ કારમાં બેઠેલા નાગા બાવાએ વાતોમાં વાળીને ફરિયાદીની પત્નીના માથે હાથ મૂકીને મોબાઇલ તથા ઘડિયાળ અને સોનાની વિંટી લીધા પછી પાછી આપી હતી.
જ્યારે રૃા. ૧.૯૦ લાખની મતાની બીજી સોનીની વિંટી અને રૃદ્વાક્ષની સોનાથી મઢેલી માળા લઇેને નાગો બાવો કારમાં ભાગી ગયો હતો. દપતિએ તેની કારનો પીછો કર્યા પણ કાર પૂરઝડપે હંકારીને નાગા બાવા સહિતના આરોપીઓ નાસી ગયા હતા. આ ઘટના અંગે નરોડા પોલીસે ગુનો નોંધી સીસીટીવી ફૂટેજ આધારે વધુ તપાસ હાથ ધરી છે.
