વડોદરા,શહેરની પાંચ વિધાનસભાના ૫૦ હજાર જેટલા મતદારોના નામ કમી કરવા માટે ષડયંત્ર કરવામાં આવ્યું હોવાના આક્ષેપ સાથે આજે કોંગ્રેસ દ્વારા કલેક્ટર કચેરી ખાતે આવેદન પત્ર આપવામાં આવ્યું હતું.
કોંગ્રેસ દ્વારા આજે કલેક્ટરને આવેદન પત્ર આપીને જણાવવામાં આવ્યું છે કે,ગત ૧૯ મી ડિસેમ્બરે જે મતદાર યાદી પ્રસિદ્ધ થઇ છે. તેમાં પાંચ વિધાનસભાના મતદારોના મત અધિકાર છીનવી લેવા માટે એક આયોજન પૂર્વક ષડયંત્ર રચી ફોર્મ – ૭ નો દુરૃપયોગ કરાયો છે. આ ષડયંત્ર લોકશાહી વિરૃદ્ધનું હોય રાષ્ટ્રદોહનો ગુનો દાખલ કરવામાં આવે તેવી માગણી કરાઇ છે. વધુમાં જણાવ્યું છે કે, સાચી માહિતી છુપાવી પુરાવા વગર ૫૦ હજારથી વધુ ફોર્મ – ૭ નો દુરૃપયોગ કરીને સરકારી તંત્રને ગેરમાર્ગે દોરી નામોની સામે વાંધા આપવામાં આવ્યા છે. વાંધા અરજીઓ ઇલેક્શન કમિશનના નક્કી કરેલા નિયમો અનુસાર અપલોડ કરવામાં આવી નથી.
