– ટ્રમ્પ-પુતિનના વિવાદની પરાકાષ્ઠા
– પુતિન મોદી સાથે તેમની જ કારમાં એરપોર્ટ પરથી પીએમ નિવાસ પહોંચ્યા : રશિયન પ્રમુખે વડાપ્રધાન સાથે શાહી ડિનર કર્યું
નવી દિલ્હી : રશિયાના પ્રમુખ વ્લાદિમીર પુતિન ગુરુવારે સાંજે પાલમ એરપોર્ટ પર પહોંચતા લાલ જાજમ બીછાવી સ્વાગત કરાયું હતું. રશિયા અને યુક્રેન યુદ્ધ શરૂ થયા પછી અને અમેરિકન પ્રમુખ ટ્રમ્પના ટેરિફના પડકારો વચ્ચે પ્રમુખ પુતિનનો આ પહેલો ભારત પ્રવાસ છે. વૈશ્વિક સ્તરે વિભાજિત ભૂ-રાજકીય વાતાવરણ અને તણાવ વચ્ચે પુતિનનો પ્રવાસ બંને દેશના આઠ દાયકાના દ્વિપક્ષીય સંબંધો વધુ મજબૂત બનશે. પીએમ મોદીએ કહ્યું કે, રશિયા સાથે ભારતની મિત્રતા સમયની કસોટી પર ખરી ઉતરી છે.
