– ઘુમામાંથી બિયરના 202 ટીન સાથે એક શખ્સ ઝડપાયો
સાણંદ : અમદાવાદ ગ્રામ્ય એલસીબી પોલીસે ઘુમા વિસ્તારમાંથી બિયરના ૨૦૨ ટીન સાથે મેમનગરમાં રહેતા એક શખ્સ ઝડપી પાડયો હતો. પોલીસે દારૂ, કાર સહિત રૂ.૧૦.૫૨ લાખનો મુદ્દામાલ કબજે કરી આરોપી સામે ગુનો નોંધ્યો હતો.
અમદાવાદ ગ્રામ્ય એલસીબીની ટીમે ચોક્કસ બાતમીના આધારે બોપલ પોલી સ્ટેશન વિસ્તારમાં આવતા ઘુમા ગામના સાઇ ગ્રીનવેલી વિભાગ-૩મા દરોડો પાડયો હતો. જેમાં ઉત્સવ ઉર્ફે પવન અશોકજી મીણા (હાલ રહે. રાઘવ એપાર્ટમેન્ટ, મેમનગર, અમદાવાદ, મુળ.રહે, ભીમાગામ, રાજસ્થાન)ની ગાડી માંથી બિયરનો જથ્થો મળી આવ્યો હતો. પોલીસ બિયરના ૨૦૨ ટીન (કિ.રૂ. ૪૭,૮૨૦), એક મોબાઇલ (કિં.રૂ.૫૦૦૦), એક કાર (કિ.રૂ.૧૦,૦૦,૦૦૦) મળી કુલ કિ.રૂ.૧૦,૫૨,૮૨૦નો મુદ્દામાલ જપ્ત કરી આરોપી સામે ગુનો નોંધી કાર્યવાહી હાથ ધરી છે.
