દસાડાના ખેરવામાં માથાભારે બુટલેગરે આતંક મચાવ્યો
યુવક પર છરી વડે હુમલો કરી નાસી છુટયો ઃ આરોપીને ઝડપી પાડવા ગ્રામજનો
માલવણ પોલીસ મથકે ઉમટયા
બુટલેગર સામે 15 દિવસમાં 3 એફઆઇઆર નોંધાઇ
પાટડી
– દસાડાના ખેરવા ગામના
સરપંચ તેમજ ગ્રામજનોના જણાવ્યા મુજબ ગામના જ શખ્સ આબીદ ખલીફા દ્વારા દારૃનું વેચાણ
કરી અવારનવાર ગ્રામજનો સાથે દાદાગીરી કરી ત્રાસ ગુજારતો હતો.
દરમિયાન તા.૦૧ ફેબુ્રઆરીના રોજ
મોડી રાત્રે કોઈ મહિલાની છેડતી મામલે ગામને બાનમાં લઈ આતંક મચાવ્યો હતો અને પહેલા
બાઈક તેમજ ત્યારબાદ કાર ચલાવી ટક્કર મારતાં ત્રણ મહિલાઓને ઈજાઓ પહોંચી હતી. તેમજ
એક યુવક પર પણ છરી વડે હુમલો કરી ઈજા પહોંચાડતા સારવાર અર્થે હોસ્પિટલ ખસેડવામાં
આવ્યા હતા.
આ બનાવની જાણ ગ્રામજનોએ પોલીસને કરતા પોલીસ કાફલો ઘટનાસ્થળે આવી પહોંચ્યો
હતો અને નાશી છૂટેલ બુટલેગરને ઝડપી પાડવા તપાસ હાથ ધરી છે. જે મામલે મોડી રાત્રે
ગ્રામજનો મોટી સંખ્યામાં માલવણ પોલીસ મથકે ઉમટી પડયાં હતા અને ગામમાં આંતક મચાવનાર
બુટલેગર સામે ફરિયાદ તેમજ કડક કાર્યવાહી કરવાની પણ માંગ કરી હતી. જ્યારે પ્રાથમિક
તપાસમાં આબીદ ખલીફા સામે છેલ્લા ૧૫ દિવસમાં ૦૩ જેટલી એફ.આઈ.આર નોંઘાઈ ચૂકી છે અને
ગામમાં છરી લઈને બિન્દાસ ફરતો હોવાથી ગ્રામજનો અને મહિલાઓમાં પણ ડર અનુભવે છે. આથી
ખેરવા ગામમાં આતંક ફેલાવનાર બુટલેગર સામે કડક કાર્યવાહી કરવામાં આવે તેવી પણ
ગ્રામજનો દ્વારા માંગ કરવામાં આવી છે.
