– સસરાએ જમાઈ વિરુદ્ધ બોટાદ ટાઉન પોલીસ મથકમાં ફરિયાદ નોંધાવી
– પતિને જુગાર રમવાની ટેવ હોય અને પૈસા માટે વારંવાર પત્નીને શારીરિક માનસિક ત્રાસ આપતો હતો
ભાવનગર : બોટાદના ગઢડા રોડ પર રહેતી પરણીતાના પતિને જુગાર રમવાની ટેવ હોય અને અવારનવાર પરિણીતાને શારીરિક માનસિક ત્રાસ આપતો હોય આ ત્રાસથી કંટાળી પરિણીતાએ ગળાફાંસો ખાઈ મોતને મીઠું કર્યું હતું.
ધંધૂકાના વાગડ ગામે રહેતા ભુપતભાઈ જેસંગભાઈ દલસાણીયાના પુત્રી ખમાબેન ઉર્ફે પાયલબેન (ઉ.વ ૧૯)ના લગ્ન બોટાદ ખાતે રહેતા ભરતભાઈ ચાવડાના દિકરા વિજય સાથે તા.૩૧ જાન્યુઆરી ૨૦૨૩ના રોજ જ્ઞાાતીના રીત રિવાજ મુજબ થયા હતા. લગ્ન બાદ પરિણીતાને સારી રીત રાખ્યા હતા. પરંતુ વિજય ભરતભાઈ ચાવડાને જુગારની રમવાની ટેવ હોય પત્ની પાસે અવર-નવાર પૈસાની માંગણી કરતો હતો. સસરા ભુપતભાઈ જમાઈને જુગાર નહી રમવા અવાર-નવાર સમજાવેલ તેમ છતા જુગાર રમી મારી દિકરીને શારીરીક-માનસીક ત્રાસ આપી અવાર-નવાર મારઝુડ કરી કરતો હતો. પરિણીતા પ્રેગ્નેટ હોવા છતા તેની સાર સંભાળ નહી રાખી વારંવાર શારીરિક અને માનસિક ત્રાસ આપતા પરિણીતાએ આ ત્રાસથી કંટાળી તા.૧૬ ડિસેમ્બર ૨૦૨૫ ના સાંજના સેવા સાત વાગ્યા પહેલા સમયે સાસરીમાં ગળાફાસો ખાઈ મોતને વહાલું કર્યું હતું. આ બનાવ સંદર્ભે સસરા ભુપતભાઈ જમાઈ વિરૂધ્ધ બોટાદ ટાઉન પોલીસ મથકમાં ફરિયાદ નોંધાવતા પોલીસે વધુ તપાસ હતા ધરી છે.
સસરાએ જમાઈને રૂ. 50 હજાર આપ્યા હતા
ખમાબેન ઉર્ફે પાયલબેન પિયર આવ્યા ત્યારે પિતાને કહેલ કે, પતિને જુગાર રમવાની ટેવ છે અને જુગારના રૂપિયા હારી ગયા છે. જેથી વિજયને પૈસાની જરુર છે જેથી તમે રૂ.૫૦,૦૦૦ આપો તેવી વાત કરેલ હતી ત્યારબાદ સસરા ભૂપતભાઈએ જમાઇ વિજય રોકડા રૂ.૫૦,૦૦૦ આપેલ હતા અને વિજયને સાસુ સસરાએ જુગાર નહી રમવા સમજાવેલ હતા.
