– જુની પેન્શન યોજના હેઠળ રાજ્યમાં પ્રથમ વખત
– ભાવનગરની હાઇસ્કુલોની 330 શિક્ષકોની ફાઇલ આદેશ માટે મોકલાઇ, 71 ફાઇલ કચેરીમાં
ભાવનગર : જુની પેન્શન યોજના ૧ એપ્રિલ ૨૦૦૫ પહેલાની નિમણૂક માટે મંજૂર કરાઇ છે. જેના પગલે બોટાદ હાઇસ્કુલના ૬૭ શિક્ષકોની ફાઇલના આદેશો અપાયા છે. ત્યારે ભાવનગર હાઇસ્કુલની ૩૩૦ શિક્ષકોની ફાઇલ આદેશ અર્થે મોકલી હોવાનું જણાયું છે.
રાજ્ય સરકારના નિર્ણય મુજબ ૧ એપ્રિલ ૨૦૦૫ પહેલા નોકરીમાં જોડાયેલસ તમામ કર્મચારીઓને જુની પેન્શન યોજનામાં સામેલ કરવાની પ્રક્રિયા શરૂ કરવામાં આવી છે. જે અંતર્ગત બોટાદ જિલ્લાની બિનસરકારી અનુદાનિત માધ્યમિક તથા ઉચ્ચતર માધ્યમિક શાળાઓના કુલ ૬૭ શિક્ષકોની ફાઇલ કમિશ્નર શાળાઓની કચેરીમાં મોકલાઇ હતી. જ્યારે રાજ્યમાં પ્રથમ વખત બોટાદ જિલ્લામાં આદેશ જારી કરાયો છે અને આ તમામ કર્મચારીને જીપીએફ નંબર ફાળવવાની કાર્યવાહી હાથ ધરવામાં આવી છે. જ્યારે ભાવનગર જિલ્લામાં માધ્યમિક અને ઉચ્ચતર માધ્યમિક સરકારી-અનુદાનિત સ્કુલોમાંથી કુલ ૪૦૧ લાયકાત ધરાવતા શિક્ષકોની અરજી આવેલ છે. જે પૈકીની ૩૦૩૦ ફાઇલો કમિશ્નર શાળાઓની કચેરીને મોકલી દેવાય છે. જ્યારે બાકીની ૭૧ શિક્ષકોની ફાઇલ પૂર્તતામાં અટકી હોવાનું જણાયું છે. જોકે જિલ્લાની પ્રાથમિક શાળાઓના ૧૩૩૨ લાયક શિક્ષકોની ફાઇલો એકત્ર કરવાની કામગીરી શરૂ છે અને કમિશઅનર કચેરીમાંથી મંગાવવાનો આદેશ થયે તેની પણ કાર્યવાહી કરવામાં આવશે, તેમ જણાયું છે.
