Global Times Ban: કેન્દ્ર સરકારે ભારત-પાકિસ્તાન તણાવ સમયે ખોટા સમાચાર ફેલાવવા બદલ ચીનના સરકારી મીડિયા વિરુદ્ધ કાર્યવાહી હાથ ધરી છે. ભારતમાં ચીનનું સરકારી અખબાર ગ્લોબલ ટાઇમ્સના X એકાઉન્ટ પર પ્રતિબંધ મૂકવામાં આવ્યો છે.
ગ્લોબલ ટાઇમ્સ ચીનના શાસક પક્ષ કોમ્યુનિસ્ટ પાર્ટીનું સત્તાવાર અખબાર છે. છેલ્લા કેટલાક સમયથી ચીનની ભારત વિરુદ્ધ અવળચંડાઈ બાદ આ પગલું હાથ ધરવામાં આવ્યું હોવાનું સૂત્રો પાસેથી જાણવા મળ્યું છે. ગઈકાલે જ વિદેશ મંત્રાલયના પ્રવક્તા રણધીર જયસ્વાલે જણાવ્યું હતું કે, ચીને અરુણાચલ પ્રદેશના અમુક સ્થળોના નામ બદલી નાખ્યા છે.
