– એલસીબી, પેરોલ ફર્લો સ્ક્વોડ સહિત ભાવનગર, બોટાદ, ઘાંઘુકા પોલીસના દરોડા
– પોલીસે પટમાં પડેલા રોકડા રૂ. 2.48 લાખ કબ્જે લીધા
ભાવનગર : ભાવનગર બોટાદ અને ધંધુકા જિલ્લામાં શ્રાવણી જુગાર રમતા કુલ ૫૮ શખ્સને પોલીસે રૂ. ૨.૪૮ લાખ સાથે ઝડપી લઇ કાયદેસરની કાર્યવાહી હાથ ધરી છે
બોટાદ ટાઉન પોલીસે જુગાર રમતા ૧૧ જુગારી રૂ.૧૨,૫૩૦ સાથે ઝડપી લીધા હતા.જ્યારે ધંધુકા પોલીસે ૫ જુગારીઓને રૂ.૫૪૫૦ સાથે ઉઠાવી લીધા હતા.તેમજ મહુવા ટાઉન પોલીસે ૪ ખેલીને રૂ.૩૫૦ સાથે પકડી પાડયા હતા.ખુંટવડા પોલીસે ૧૧ પત્તાબાજને પટમાં પડેલા રોકડા રૂ.૧૫,૩૦૦ સાથે ઝડપી લીધા હતા.તથા દાઠા પોલીસે ૪ જુગારીઓને રોકડા રૂ.૧૦,૨૭૦ સાથે ઉઠાવી લીધા હતા.એલસીબીએ ૧૨ પત્તાબાજને રોકડા રૂ.૧,૧૦,૬૦૦ સાથે પકડી પાડયા હતા.બોરતળાવ પોલીસે ૭ જુગારીને રૂ.૧૩,૬૦૦ સાથે ઝડપી લીધા હતા.જ્યારે પેરોલ ફર્લો સ્ક્વોડે જુગારની બાજી માંડી બેઠેલા ૪ જુગારીને ૨૧,૬૫૦ સાથે ઝડપી લઇ કાયદેસરની કાર્યવાહી હાથ ધરી છે.
